露營撞正隔離大聲播歌跳舞！展現大媽式舞步！網民提供爆笑解決方法

生活熱話

By Stephanie on 12 Jan 2022

Digital Content Writer

唔少人都會趁住天氣清涼選擇去感受下大自然，而露營就成為咗其中一個熱門活動～最近，有網民就喺FB群組分享自己嘅露營經歷，表示遇到其他露營人士大聲播歌跳舞，玩得非常忘我，令唔少網民都覺得行為好過分！

Photo from TVB

# 露營人士喺FB分享親身經驗！

疫情之下，大家冇得出國旅遊，唔少人都會選擇喺戶外露營，遠離城市嘅煩囂生活，希望可以好好釋放壓力～日前，有位露營人士就喺FB群組「香港人露營分享谷」分享自己露營時所遭遇嘅經歷，令唔少網民睇完之後都覺得好嬲？！

Photo from TVB

# 其他露營人士晚上用喇叭播歌跳舞！

樓主喺群組中表示露營時，遇到隔離營嘅人士開住喇叭大聲播歌，載歌載舞。從影片中所見，該帳篷下大約有4至5人，而其中嘅3位就似乎玩得非常盡興，企咗起身跟隨音樂節奏咁搖晃身體及扭腰，表現得非常忘我！

Photo from FB群組「香港人露營分享谷」

# 仲有夢幻七彩燈，彷如置身派對！

而佢哋嘅party設備亦好齊全，除咗喇叭外仲有七彩嘅閃光燈。喺夜空之下，燈光一閃一閃不停變色，十分顯眼！不過樓主就表示「好彩11點就停咗！無嘈住我訓」，認為至少對方都並未到通宵達旦咁開派對，尚可接受。

Photo from FB群組「香港人露營分享谷」

# 網民認為行為過火！

不過，大部分嘅網民都認為喺郊外地方大聲播歌跳舞嘅行為非常過份，「搞到好似去咗廟街咁」、「想開跳舞就唔好去露營啦！」等留言，覺得佢哋咁樣做依然會影響其他人或者大自然

Photo from FB群組「香港人露營分享谷」

Photo from TVB

# 有網民提供無厘頭建議！

有網民就建議下一次再遇到同類事件，可以加入佢哋一齊跳舞，並乘機扮飲醉關掉音樂等；亦有網民分享曾經見過有人露營跳舞直到凌晨3點先停，非常擾民！

Photo from FB群組「香港人露營分享谷」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港女欲淘露營車返香港當屋住　網民：點運落黎？

27 May , 2021

相信唔少人都曾經喺內地網購平台上買過嘢，喺平台中無論裝修設計、家電用品、生活雜貨，真係你諗得出都可以買得到！而早前就有一名港女喺網上指自己打算購買一架露營車，並運回香港行駛及居住，因此令唔少網友都覺得匪夷所思。

Photo from 淘寶開心share/Facebook

近日有網友就喺 Facebook「淘寶開心share」專頁中發文指自己想從網購平台中購買一架露營車返香港，並上傳幾張佢喺網站上睇到嘅露營車 cap 圖，留言詢問：「淘架咁嘅車返香港，出唔出到牌？」

Photo from 淘寶開心share/Facebook

期後佢指自己住喺村屋，有位泊車，打算買咗之後就住喺村屋嘅停車場：「喺香港可以當屋住！慳返幾百萬！當香港單牌可以返大陸，直接成架車揸返去！返到大陸先自駕！」之後又指自己已同賣家溝通過，可將露營車改為適合香港使用嘅右軚，並打算先將露營車運到深圳，再搵找拖車拖回香港。

Photo from 淘寶開心share/Facebook

依個帖文一出即引嚟唔少網民熱討，更有唔少網民認為樓主想法不設實際。因為雖然露營車喺外國已興起多年，但喺香港無論喺駕駛定住喺露營車中都係唔合法嘅，而且畀咁大筆錢從內地網購車輛回港嘅風險太大，一旦有損壞等問題亦難以退貨：：「甘夠薑。如果拎二十萬淘完返黎，架車唔識行，唔通你又寄返上去？你既勇氣值得加許」、「路是走出來的,撐你!」；有網民更打趣說「集運去樓下商場個自提點先」。