Coffee林芊妤行山竟然唔著瑜伽褲，網民感震驚！曾挑戰連續30日著瑜伽褲

娛樂新聞

By Jennifer on 12 Jan 2023

Digital Editor

今晚食乜餸：小二，嚟一碟花生！

Coffee林芊妤轉型做KOL好成功，近年佢因為著瑜伽褲而屢屢成為網民討論對象。曾經挑戰連續30日著瑜伽褲嘅Coffee最近就同老公、仔仔一齊登高放風箏，不過有網民即關注到Coffee今次竟然無著瑜伽褲！

Photo from Coffee IG

Coffee拜山著瑜伽褲被指對先人不敬

Coffee喺YouTube拍片教瑜伽，影片關注度唔少，Coffee亦儲落一批fans。現已轉型為KOL嘅Coffee不時喺IG分享佢同老公、仔仔一家三口嘅日常趣事，佢嘅IG follower更突破100萬！

Photo from Coffee IG

Coffee除咗教瑜伽之外更推出個人品牌，平時去到邊都會以運動裝束出現，堪稱「瑜伽褲代言人」！早前Coffee同家人拜山時亦著咗瑜伽褲，卻被網民指佢打扮對先人不敬，Coffee卻反擊稱佢由柴灣行到山頂，之後又去放風箏，著運動衫褲係好合理。

Photo from Coffee IG

曾發起連續30日著瑜伽褲挑戰

之後Coffee更喺IG發起「30days of leggings」，挑戰連續30日都著唔同嘅瑜伽褲出街：「我要話俾所有人聽我鍾意着咩衫係我話事」，Coffee表示要為所有中意著瑜伽褲出街嘅女仔出返啖氣。之後Coffee不論做運動、去Staycation、揸車、去泰國旅行，都係著住瑜伽褲。

Photo from Coffee IG

飛北海道旅行，零下幾度Coffee照著瑜伽褲

開關後Coffee同家人一齊去日本旅行，佢仍然係著瑜伽褲，甚至連去北海道，氣溫低至零下幾度嘅室外Coffee都堅持著瑜伽褲，令網民都擔心佢會唔夠暖，Coffee則表示自己著咗兩條瑜伽褲：「其實我覺得幾度同-幾度都係冇乜分別，都係凍」，有網友直言：「係咪無其他褲喇？！」

Photo from Coffee IG

一家三口登高放風箏，Coffee棄瑜伽褲有新look？！

最近Coffee就同老公、仔仔一家三口去山上放風箏，以往行山都會著瑜伽褲嘅Coffee竟然「一反常態」無著到leggings，反而以衛衣+白色短褲造型示人，大晒美腿，令唔少網友感意外：「竟然唔係瑜珈褲」

Photo from Coffee IG

亦有網民指天氣咁凍Coffee都著短褲好勁：「勁喎，咁凍都著到短褲」，Coffee回覆呢位網民稱：「我發現做開運動嘅人真係冇咁怕凍」，唔少網友表示同意：「變左怕熱唔怕凍」、「完全同意啊！今年冬天最多著兩件衫」。

Photo from Coffee IG

相關文章：Coffee被指有P圖？親民地回覆留言，反被網民批：太在意他人目光！

相關文章：Coffee林芊妤晒兒子相片被嫌煩「其實你個仔唔得意」！發長文回應

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

林芊妤被網友爆料蘭桂坊與外國人去蒲？Coffee置頂留言大反擊

24 May 2022

Coffee（林芊妤）係人氣瑜伽導師，佢同老公、仔仔嘅日常生活亦十分受網民愛戴。近日佢IG有網民留言疑爆料喺蘭桂坊見到Coffee同一班外國男士玩得好開心，又叫佢：「快啲放生你老公！」Coffee即刻將留言置頂並回覆反擊！

Photo from Coffee IG

網友爆料Coffee現身蘭桂坊與外國人蒲

Coffee同圈外老公翟志榮結婚4年，感情一直穩定，佢亦不時喺IG分享佢同老公兒子一家三口嘅日常。Coffee最近喺IG晒出近照，表示因為兒子「彥彥」開始復課，所以突然多咗自由時間。

Photo from Coffee IG

點知竟然有網民留言「挑機」，直指見到Coffee喺中環蘭桂坊同一班外藉男士玩得好開心，又稱：「希望你快啲放生你老公」

Photo from Coffee IG

Coffee置頂留言指當日同老公一齊

該網民連續留咗3次言，仲叫Coffee唔好刪留言「咁無品」，Coffee亦不甘示弱即時將呢位網民嘅留言置頂，並回覆稱當日同老公喺將軍澳練車，之後就返屋企氹仔仔瞓覺，質疑對方認錯人，Coffee又指自己期間有影過Story post上網：「好心你作故仔都作得好啲啦，啲人一睇得Story都知我琴晚喺邊啦」