日本迪士尼推出櫻花色公仔！史迪仔/小熊維尼/勞蘇仲有實用精品

旅遊攻略購物著數電子科技潮物日韓旅遊生活百貨日本旅遊

By Jennifer on 30 Jan 2024

Digital Editor

今晚食乜餸：小二，嚟一碟花生！

為配合即將到來嘅櫻花季，日本迪士尼推出咗一系列嘅櫻花公仔，包括有史迪仔、小熊維尼、咿唷、豬仔、富貴貓Marie、勞蘇等，仲有好多實用嘅精品，粉嫩嘅櫻花色超有春天感覺～

Photo from Disney Store

今次櫻花系列有好多唔同size嘅公仔，其中小熊維尼款式非常多，佢嘅朋友豬仔同咿唷都同樣有櫻花色。其中一款小熊維尼抱住豬仔嘅公仔十分有愛，不過就只有限定店舖有得買。

Photo from Disney Store

小熊維尼櫻花公仔（M）售價：4,200円
小熊維尼櫻花公仔（S）售價：3,600円
小熊維尼公仔身上仲有櫻花裝飾，M size同 S size嘅甫士各有不同，fans應該會忍唔住買晒兩款！

Photo from Disney Store

咿唷櫻花公仔售價：4,200円
咿唷一向都係紫色，變成粉紅色都無違和感，櫻花咿唷眼瞓樣好可愛！

Photo from Disney Store

豬仔櫻花公仔售價：3,300円
雖然豬仔一直都係粉紅色，但櫻花系列嗰種顏色更淡，小熊維尼fans必買！

Photo from Disney Store

勞蘇櫻花公仔售價：4,200円
勞蘇同樣顏色都唔算太大變化，但櫻花系列嘅勞蘇由原本嘅桃紅色變成粉紅色，手上仲拎住一朵櫻花添！

Photo from Disney Store

史迪仔櫻花公仔售價：4,200円
超罕有嘅粉紅色史迪仔！仲配埋眼瞓樣，fans必入手！另外仲有史迪仔攬住小金嘅公仔，不過同樣都係只有限定店舖有售。

Photo from Disney Store

Marie櫻花公仔售價：4,200円
Marie櫻花公仔特別在佢同其他同系列嘅唔同，Marie無變粉紅色，但就多咗朵櫻花。

Photo from Disney Store

小熊貓櫻花公仔售價：4,200円
《熊抱青春記》fans必入！粉紅色小熊貓掩嘴動作好cute！

Photo from Disney Store

櫻花系列仲有Q版公仔，全部售1,400円；鎖匙扣售2,200円。仲有好多實用嘅精品如：筆袋、紙巾套、束口袋等，又可愛又實用！

Photo from Disney Store

日本迪士尼櫻花系列
官網：Disney Store

Photo from Disney Store

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東京迪士尼海洋新酒店明年6月開幕！兩大城堡主題客房、飽覽新園區景觀餐廳！2.8開放預約｜東京迪士尼住宿2024

13 Dec 2023

日本東京迪士尼海洋全新園區「FANTASY SPRINGS」將於2024年6月正式登場，園區內的全新酒店「東京迪士尼海洋夢幻溫泉酒店 TOKYO DISNEYSEA FANTASY SPRINGS HOTEL」亦會同步開幕～官方日前公開預約時間，有興趣的朋友速速Mark實！

Photo from 東京迪士尼度假村官網

·與新園區2024年6.6同步開幕

東京迪士尼海洋除了於2024年迎來集合《魔雪奇緣》、《彼得潘》及《魔髮奇緣》三大主題的全新園區「FANTASY SPRINGS」，日本第五間迪士尼酒店「東京迪士尼海洋夢幻溫泉酒店 TOKYO DISNEYSEA FANTASY SPRINGS HOTEL」亦落實於2024年6月6日開幕！同時，新酒店將於2024年2月8日起開放預約～

Photo from 東京迪士尼度假村官網

·號稱全日本迪士尼最頂級酒店

「FANTASY SPRINGS HOTEL」由兩棟主要建築構成，9層樓高，號稱係全日本最頂級、最豪華的迪士尼酒店！酒店分為兩種主題的客房：「夢幻城堡（FANTASY CHATEAU）」及「豪華城堡（GRAND CHATEAU）」，合共475間不同類型的客房。酒店周邊不但圍繞著魔幻噴泉，部分客房仲會面前新園區，從房間就能直接眺望到各種遊樂設施及景點，不出門都能沉浸在奇幻的魔法世界～另外，酒店內特設了休息等待室及禮品店「FANSTASY SPRINGS GIFT」，但留意返後者只限入園遊客及酒店住客才能進入及購買限定商品～

Photo from 東京迪士尼度假村官網

·夢幻城堡｜FANTASY CHATEAU

以迪士尼的經典動物、植物及魔法泉水為主題，融合魔法奇幻風格，提供419間客房～房型根據景觀分為四種類型，包括「Bay」、「Hotel Entrance」、「Rose Coat」及「Spring Side」。而客房內的牆紙及燈光的花卉圖案則來自《魔髮奇緣》、《小鹿斑比》等迪士尼電影的元素～

Photo from 東京迪士尼度假村官網

·豪華城堡｜GRAND CHATEAU

如果想歎到更升級的住宿體驗，推薦這個主打擁有整個東京迪士尼度假村最高級客房，而且只有56間豪華套房！客房不但裝潢及佈置豪華典雅，更設有陽台並面向夢幻泉鄉，在房內就可以飽覽園內美景～同時，酒店仲會根據住客的要求建議行程，甚至提供量身打造的詳細遊園行程，體驗國王級的服務及禮遇！

Photo from 東京迪士尼度假村官網

·可眺望魔法園區的餐廳、酒廊

除了充滿特色的客房，「FANTASY SPRINGS HOTEL」的餐飲設施同樣係酒店一大亮點！酒店一共打造了3間不同主題的餐廳及酒廊：自助式餐廳「Fantasy Springs」主打吃到飽Buffet，店內裝飾著各種《白雪公主》、《長髮公主》、《睡美人》等經典公主系列的畫作；「Grand Paradis Lounge」則擁有開放式座位及大片絕佳窗景，整個空間非常寬敞舒適～至於主打高雅精緻路線的法式料理餐廳「La Libellule」，只限定接待「豪華城堡（GRAND CHATEAU）」的住客，可以一邊品嚐多款頂級料理，一邊欣賞窗外園區景色！