大阪酒店2024｜心齋橋新酒店超平房價低至$169一晚！交通好方便

旅遊攻略日韓旅遊日本旅遊

By Jennifer on 15 Feb 2024

Digital Editor

今晚食乜餸：小二，嚟一碟花生！

大阪心齋橋又有新酒店開幕喇！「Hotel Sanrriott 心齋橋」以全新懷舊風格為特色，行10分鐘就到心齋橋，十分方便，而且更有開幕優惠，最平房價只需$169一晚！

Photo from Hotel Sanrriott 心齋橋

去大阪旅行，心齋橋係唔錯嘅住宿地方，交通方便之餘又有大量商店，不論行街、食飯都有好多選擇。心齋橋即將有新酒店開幕，新酒店名為「Hotel Sanrriott 心齋橋」，裝修風格走復古氛圍，充滿大阪當地感覺！

Photo from Hotel Sanrriott 心齋橋

大廳有商店出售各重手售以及傳統日本零食「駄菓子」，駄菓子價錢平得嚟，目標顧客亦係以小朋友為主，係好多日本人嘅童年回憶，大家可以喺酒店買到多款駄菓子，體驗當地人嘅童年味道。

Photo from Hotel Sanrriott 心齋橋

客房方面，有1人房、2人房、3人房，房間面積雖然唔大，但五臟俱全，而且更有雙層床，適合一對好友入住。雖然客房設計簡單舒適，但非常注重細節並提供多種房型選擇，可以根據自己嘅需求選擇最合適嘅房間。

Photo from Hotel Sanrriott 心齋橋

而最令人驚喜的是，「Hotel Sanrriott 心齋橋」的訂房價格非常實惠。如果你計劃在淡季或平日入住，價格更是低到破盤價！現時更有開業優惠，如果係會員，房價亦有折扣！

Photo from Hotel Sanrriott 心齋橋

根據官網，3月初雙層床房一晚最平只需3,250円（約$169港元），房間可入住1～2人，平均一人只需$85元/晚！CP值超高！

Photo from Hotel Sanrriott 心齋橋

Hotel Sanrriott 心齋橋
開幕日期：2024年2月20日
地址：大阪府大阪市中央区南久宝寺町2-6-10
電話：06-6245-7707
官網：按此

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

大阪酒店2023｜鄰近心齋橋平價酒店推介！人均約$200起一晚，設大型浴室

11 Apr 2023

連鎖酒店集團Travelodge去年於大阪開設首間酒店「大阪本町酒店(Travelodge Honmachi Osaka)」，酒店鄰近車站，去其他景點交通亦超方便，而且每間房都有特大浴室，浸浴超舒服！房價非常實惠！

大阪一向都係港人最愛嘅旅遊地點，而連鎖酒店集團Travelodge亦進駐大阪，開設「大阪本町酒店(Travelodge Honmachi Osaka)」，酒店喺2022年9月開幕，至今未夠一年，而且房價仲十分便宜添！

大阪本町酒店距離本町站十分近，步行只需4分鐘，要去道頓掘、心齋橋、通天閣等熱門旅客景點交通亦非常方便，由關西國際機場出發去酒店，全程約為1小時左右。

酒店共有6種房型，包括：單人房、雙人房、大床房、雙床房、三人房及家庭房。房間面積最細嘅係單人房，只有14平方米，最大嘅係家庭房，面積達29平方米。

與其他日本酒店相比，大阪本町酒店嘅特大浴室係其中一大特點，而且每間客房都設有浴缸，浴室空間感大，大家浸浴時亦唔會覺得環境擠逼。另外酒店大堂設有共用空間，適合商務人士工作，又有24小時自助飲品吧，玩到晏咗返酒店都有免費飲品歎。

而房價方面，喺預約網上可見雙人房一晚只需$300幾元，連同稅都係$400零，平均一人只需$200元一晚，CP值超高！

Travelodge大阪本町酒店(Travelodge Honmachi Osaka)
地址：大阪府中央區安土町3-2-6, 541-0052
官網：按此

Text: HolidaySmart Editorial

【大阪酒店】心齋橋人氣漫畫圖書館酒店 24小時開放！8000本漫畫免費借閱

4 Apr 2023

日本漫畫風靡全球，世界各地有不少漫畫迷為感受其獨有文化，都有想過住漫畫cafe，不過這類cafe居住環境淺窄，還要按時收費，令不少旅客卻步。有見及此，日本旅遊業界近年開始推出「漫畫酒店」，以下為大家介紹一間位於大阪心齋橋的酒店「QUINTESSA Comic and Books」，它不但鄰近中心地帶，設有完善酒店設備，還收藏了8000本漫畫讓你24小時盡情看，簡直是漫畫迷的天堂。

Photo from QUINTESSA Comic and Books 官網

8000本漫畫收藏「MANGA 圖書館」

QUINTESSA Comic and Books由科爾全球管理飯店集團經營，樓高9層，共有132間客房，酒店最大特色就是1樓的MANGA圖書館，當中提供8000本漫畫免費借閱，不論近年大熱的《咒術迴戰》、《鬼滅之刃》或是經典的《海賊王》、《龍珠》、《多啦A夢》、《名偵探柯南》等漫畫都可一一找到，而且圖書館是24小時開放，客人攜帶房間專屬的借書號碼牌，更可把漫畫帶去大堂、餐廳及房間閱讀。沒有入住酒店的旅客，亦可用以漫畫Cafe形式，每小時500日圓（約 HK $35）去MANGA圖書館看漫畫，價錢會包含1杯免費飲品。

Photo from QUINTESSA Comic and Books 官網

Photo from QUINTESSA Comic and Books IG

70萬庫存線上漫畫圖書館預購漫畫送到客房

除此以外，酒店亦設有高達70萬本庫存的線上圖書館服務，若MANGA 圖書館上找原到想看的漫畫，旅客可向旅館提出請求，在入住預先訂購，成功預訂後，工作人員便會在旅客的房間準備好指定漫畫，讓旅客享受賓至如歸的看漫畫體驗。不過記得留意，若要使用線上漫畫圖書館服務，必先提前預約，亦會按書籍數量收取租金（包括運費），10本或以內收費1500日圓（約88港元），客人需在辦理入住時在前台付款。

Photo from QUINTESSA Comic and Books 官網

6種房型設備完善服務貼心

QUINTESSA Comic and Books共有6種不同房型，分別是「標準單人房」、「標準雙人房」、「標準雙床房」、「精緻雙人房」、「精緻雙床房」、「通用客房」，最少的「標準單人房」面積為13平方米，最大的「通用客房」面積則有18平方米，客房設計簡約實用，灰色牆身配搭木色家俱，散發舒適及溫馨的氛圍，房間的設備齊全，有熱水壺、吹風機、自動馬桶及配備加濕功能的空氣淨化器，部分客房更設有吸煙區。據官方網站顯示，現時「標準單人房」最平只需每晚只需10600日圓（約623港元），價值相對實惠！