六毫子發文宣布「微辣重啟」 IG問想睇咩節目網友鬧爆：以為全世界都係傻？！

By Macy Sun on 09 May 2024

Digital Editor

YouTube頻道微辣29歲前經理人阿晶（Jane）去年7月份離世，輕生一事距今10個月，不少前微辣藝人都紛紛開始試水溫復出，包括早前Doris多姐復出拍片。而今日（9日）凌晨微辣創辦人六毫子（陸志豪）就突然出Po宣布「微辣重啟」，更向網友收集對節目提議，隨即惹來熱議！

Photo from 阿晶IG

Photo from YouTube@Doris Lee 多多

Photo from 六毫子IG

微辣前經理人阿晶(劉靜儀，Jane)去年自殺離世，其遺書揭發事因遭公司同事「職場欺凌」，連老闆之一的六毫子(陸志豪)亦有份參與。當時事件引來大批網民到微辣的官方頻道、旗下藝人的社交平台留言譴責，導致該台於去年8月宣布頻道暫停更新。而阿晶輕生距今10個月，六毫子於今日（9日）凌晨就在IG story出Q&A帖文，他先以輕鬆話題引入，貼近照詢問網友如何瘦頸，當中有人認真回應。而其後他就開始轉發一些想「微辣重開」的留言，當中有粉絲寫道：「不如update埋之前拍落未放出嚟嘅舊片」、「等緊微辣再次出po！」、「期待你哋幾時重出江湖」等。期間六毫子有一度叫大家不如講返條頸，但他就亦有回覆部分「辣粉」說，自己都等緊微辣復出，表示：「對我來說，微辣重要過我條頸」。

Photo from 六毫子IG

或許是有見「有冇人話我知條頸點減」帖文引來「微辣重啟」的討論，六毫子便索性再開另一個Q&A帖文，問大家「微辣重啟你想睇咩節目」。對此他亦有轉發粉絲留言，當中見有Fans說，做以前的片種就足夠，指很懷念某些節目，經常翻睇，亦有人提醒他們先搞好公關才重新出發比較好。同時，很多人留言為他打氣，感謝微辣十年間帶來的歡樂，六毫子則說：「還有很多個10年」

Photo from 六毫子IG

不過在六毫子轉發的帖文以外，網上就傳來一片罵聲，大量網民提議六毫子開靈異節目，「問米請阿晶上嚟」、「拍個節目教Bully」，又有人留言指：「唔怪之得個個都拍片試水溫，根本就一早有晒時間表，plan定晒既，即係個個都無悔意。」、「有人想睇微辣，我覺得一啲都唔出奇，但又會咁啱咁橋，一齊講就好出奇囉，再加上條問題係問緊其他嘢，全部人都答微辣9唔答8，同佢哋之前拆彈一樣，以為全世界都係傻。」

Photo from 六毫子IG

Photo from 阿晶IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

微辣多姐潛水9個月復出拍片！分享新手媽媽近況做親子KOL？！

6 May 2024

去年澳門YouTube頻道微辣前經理人阿晶的離世以來，微辣藝人一直低調行事，但2024年起陸續「復出」，其中多姐（Doris）最近在個人YouTube頻道拍片分享成為新手媽媽的近況。

多姐是微辣的「元老」之一，她在阿晶離職時曾表示公關可以透過電郵與微辣聯絡。之後阿晶被誤會「搶job」，阿晶分享了多張對話圖力證自己未有「搶job」，其中更包括與Doris的對話。

Photo from 多姐IG

阿晶指：「如果我真係有講過你嘅嘢要寄去我度，你po出嚟，但係依加呢隻死貓我唔會食，都希望你哋唔好再單單打打我，你有證據你就po出嚟。」多姐卻反駁：「第一句先話sorry宜家又話單單打打我都唔知你邊一句先係真」阿晶：「我係sorry我拎錯咗你嘅嘢但係你哋咁樣屈我就唔得」多姐：「我嘅嘢又點會寄去你屋企呢」，似乎十分懷疑阿晶。

對話最後阿晶叫多姐向客人查詢，如果沒有請她一個清白。之後事件不了了之，阿晶的遺書中亦再次強調自己從來沒有搶過任何人Job。阿晶離世後多姐即成為眾矢之的，對此她表示微辣一眾藝人無好好處理事情同關心阿晶的情緒：「我只係覺得真相或者證據係呢刻已經唔重要了，我當初應該好好地同佢面對面傾，宜家只想Jane安息，對唔住！」