何伯大仔疑發文證$450萬亡母有份！何太賣龍鳳鈪被揭講大話？！

時事熱話娛樂新聞

By Jennifer on 16 May 2024

Digital Editor

今晚食乜餸：小二，嚟一碟花生！

TVB《東張西望》終於播出全部何伯何太訪問，何太與前夫所生的18歲兒子也有受訪。網上有自稱是何伯大兒子的網民發文稱何伯定期存款$450萬並非全是何伯積蓄，而是由已故原配節省所得！

何伯在節目中激動地講述，他的子女因為貪圖財產而反對他與新何太的婚姻，自己$450萬存款全數被小女兒從他們的聯名戶口提走。這筆金額按何伯之言，原本是為了家庭未來的安穩預留，然而現在卻成了爭議的焦點。

對此，何伯的子女並未沉默。他們透過社交媒體發聲，對何伯的再婚對象表示懷疑，認為新何太可能有不可告人的動機。其中有自稱是何伯的大兒子在Facebook群組「何伯＆何伯老婆關注組」發文表示，父親本來很正常，不像節目中「神智不清」。

疑似何伯大兒子將繼母稱為「河馬」：「自從識嗰個女人之後，姑且叫佢做河馬，河馬叫我父親介紹男人比佢結婚，唔知咩原因，飲完河馬啲湯水之後，我老豆自己推薦自己，冇同我地五兄弟姐妹商量下，自己同河馬走去簽紙結婚。」

他表示母親生前何伯對她也不錯，但從來沒有送過足金手鈪、勞力士手錶、手袋等給媽媽：「我同幾兄弟姐妹點都諗唔明，點樣可以用咁短時間氹我老豆送咁貴嘅嘢，幾十萬，唔係一兩萬。」為免老父銀行戶口$450萬「凍過水」，他們兄弟姐妹決定讓妹妹提走存款。

他又指那450萬元是他們母親多年來節省下來的錢：「我老豆電視上講，嗰幾百萬係佢自己搵返來，我想講，啲錢係我呀媽同佢捱返嚟同我地仔女比家用，我呀媽好慳重冖餸都會格價先買，所以我地唔容許我地呀媽死慳死底返來啲錢，比隻河馬一鋪清袋，試問點對得住呀媽！」他稱將通過法律途徑來保護父母財產和母親的尊嚴。

而播出的《東張西望》亦找到何太18歲兒子接受訪問，何太現時住的公屋本來是和兒子同住，現時何伯加入了這個家。何太18歲兒子表示一開始也接受不了媽媽這段戀情，但後來卻改觀：「之前覺得阿叔係臨老入花叢，見阿叔同我阿媽依家相處的咁好，我都戥佢哋開心。」

他稱與何伯關係不錯，大家每天一起吃飯，相處融洽、有說有笑，他又大讚何伯很愛錫媽媽。與親生父親相比，他也指何伯更好，不似親生父親會打罵媽媽，又會買小吃給他吃。兒子也力撐媽媽稱她絕不是貪錢的人，認為網民不了解細節才會誤解媽媽。

何伯也回應了早前在Facebook群組有疑似何伯子女發文，何伯怒斥他們沒有賺過一分一毫，從未將錢存入該戶口，何伯強調戶口的$450萬是屬於他一人的血汗錢，又狠批子女沒有養過們半點！何太也反擊稱何伯送她的禮物，其子女沒有資格向她追討。

何太又表示已轉賣了何伯送她的定情信物——價值近$10萬的龍鳳鈪，以應付日常開支。售出價為$7萬多，虧損了$2萬多。但關注組有網民質疑何太提供給《東張西望》的發票，龍鳳鈪價錢應為$89419.28，與之前所說的「99900」不符：「同埋根據發票價錢，妳又講賣七萬幾蚊，點都計唔出蝕兩萬幾喎。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

何伯何太怒斥子女不孝只為謀財產！5子女終發聲向何太宣戰？！

14 May 2024

《東張西望》再度訪問何伯何太，佢哋都表示節目播出後睇咗幾千個網民留言，亦反擊「貪錢」、「迷魂湯」等指控。何伯同何太一條心，狠批5個子女只係為咗何伯嘅遺產，Facebook群組「何伯＆何伯老婆關注組」有疑似何家子女發文，首度回應事件？！

前情：
1. 東張西望｜76歲老伯娶細30歲內地妻！與子女反目450萬存款被取走
2. 東張西望｜76歲老伯娶內地妻後續公開！何太一句暴露真面目？！
3. 東張西望｜何太身份背景疑曝光！爆料稱曾結3次婚、內地有層樓
4. 東張西望｜何伯何太擁450萬住公屋！房署調查：初步掌握有關資料
5. 東張西望｜傳何太已返港拍訪問續集網友茶餐廳疑野生捕獲何伯夫妻！

Photo from TVB

自從何伯何太上節目後，佢哋嘅故事旋即成為全城熱話，不過大部分網民都係質疑何太嘅目的，認為佢立心不良，而何伯則被年輕30歲嘅老婆蒙蔽。節目播出後，《東張西望》再度回訪，何伯何太對各種質疑大反擊！

Photo from TVB

何伯同何太稱佢哋睇咗幾千個網民留言睇到凌晨4點，何太稱佢嘅名牌手袋同珍珠耳環都係喺內地買嘅，並非真貨，價值$2萬幾嘅珍珠頸鏈係自己買，並非何伯所送，否認自己「珠光寶氣」咁接受訪問，不過佢就分享咗何伯送畀佢嘅定情知物——近4兩重龍鳳鈪，價值約$10萬元！

Photo from TVB

何太指同何伯閃婚係因為覺得何伯好錫佢：「未有人咁樣為我使錢。」何太提到自己嘅兒子更忍唔住想喊，雖然未有眼淚但佢指好感動，大讚仔仔生性：「我話：『仔仔，而家你阿叔而家無晒錢，俾仔女捲走晒，佢臨老過唔到世，好淒涼。我仔仔就話：『我唔讀書，我出去搵嘢做賺錢，返嚟養阿叔。』」

Photo from TVB

何伯亦十分勞氣，更將子女定性為「反派」：「我當佢哋（網民）係瘋狗！佢根本唔理我家事發展，信晒啲反派。嗰5個忤逆仔女！」，何伯更稱唔應該生佢哋：「佢（網民）知唔知個細女捲走晒我啲錢呀！我唔支持佢哋（5個子女）！佢哋反派！我帶錯咗佢哋嚟呢個世界！點知佢個心咁樣，想我死！根本想我死！咁佢5個分囉！450萬每個收90萬嘛！」

Photo from TVB

何太強調自己絕非貪錢之人：「我唔要佢（何伯）嘅！佢話畀隻錶去當我都話唔要住！我仲有錢頂得住！因為我係好注重名聲嘅人！邪不能勝正！我哋為人正直，會堅持走返啱嘅路。」何伯就指自己十幾歲嚟香港，跑過江湖：「我挑通眼眉！邊個女人呃我實睇得出！」

Photo from TVB

何伯激動稱：「我不知幾清醒！啲錢係我自己搵返嚟，點解要俾佢（細女）一嘢盜晒我走？銀行嗰個同佢夾計有利益！」何伯指拎$100萬出嚟本來係打算同老婆北上到珠海發展，何太亦表示做生意都係想賺多啲同何伯一齊享受。主持梁敏巧追問：「蝕咗點算？」何伯豪氣指：「蝕都預咗啦！我有$450萬，嗰$100萬攞出嚟做試金石囉！」