郭晉安9000萬物業歐倩怡無份！一原因贊同老公，但搵全職工惹不滿？！
Photo from 郭晉安歐倩怡微博
郭晉安同歐倩怡於2006年結婚，雖然兩人相差15歲，但一直係娛樂圈中嘅「模範夫妻」。婚後二人育有一子一女，感情一向要好。但佢哋突然宣布離婚，更表示已經分開生活咗兩年，呢個決定係經過慎重考慮同溝通。
Photo from 郭晉安歐倩怡微博
Photo from 郭晉安歐倩怡微博
其實郭晉安同歐倩怡夫婦以前亦曾經面對婚姻危機，歐倩怡結婚後漸漸淡出幕前專心相夫教子，但仔女大個後佢就進修營養學並完成咗營養學嘅學士課程，正式成為一名專業營養師。佢指當時要照顧仔女又要兼顧學業，而老公郭晉安拍戲一樣十分忙碌，兩人聚少離多，缺少溝通。
Photo from 歐倩怡IG
Photo from 郭晉安歐倩怡微博
歐倩怡指兩人曾有半年幾時間冷戰，徘徊喺離婚邊緣。但為挽回呢段婚姻佢哋決定每星期都花時間喺一齊過二人世界，又一齊重回舊地憶起拍拖時嘅甜蜜，重建感情同努力維持婚姻。
Photo from TVB
而舊年歐倩怡接受訪問時都有提到佢哋夫妻有分歧：「其實真係有啲唔『啱呀』！」更直言郭晉安對佢搵全職工作有微言：「之前都有少少話下！」但佢表示以前照顧仔女時好似過退休生活，朝早起身湊仔女返學之後就無嘢做，下晝瞓覺等小朋友放學：「其實我真係唔想咁樣過埋我下半生。」
Photo from 歐倩怡IG
Photo from TVB
雖然郭晉安同歐倩怡未有提及離婚嘅原因，但都引起唔少猜測，有指郭晉安曾持有9,000萬物業，包括西貢匡湖居、紅磡駿昇中心、旺角中僑商業大廈、太古城、荃運中心等。但全部都無加到老婆歐倩怡同一對仔女嘅名，當時歐倩怡稱怕麻煩，而唔加仔女名則係因為郭晉安認為自己離世前應應該要將賺到資產回饋社會，而歐倩怡都十分贊同。
Photo from 郭晉安歐倩怡微博
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
歐倩怡淡出幕前轉型做營養師！為家人/夢想重投職場 10月再進修讀埋碩士
25 Sep 2020
以《櫻桃小丸子》主題曲《問題天天都多》而為人熟悉嘅歌手藝人歐倩怡（Cindy），自 2006 年與郭晉安結婚後便淡出幕前，但其實佢除咗專心打理家庭外，佢仲好識利用時間進修營養學追夢！近日佢終於完成咗營養學嘅學士課程，正式成為一名專業營養師！
近年唔少藝人都選擇重返校園，繼早前朱千雪（Tracy）正式成為大律師投身法律界後，近日醫學界都有藝人加入喇！佢就係郭晉安嘅老婆歐倩怡呀！
Photo from 歐倩怡/IG
Cindy 結婚後已漸漸淡出幕前專心相夫教子，但不時都會擔任活動司儀同拍劇，但其實佢仲有進修營養學課程，近日佢就喺 IG 上傳咗佢 Final year project 嘅相指自己「Mission completion」。
Photo from 歐倩怡/IG
Photo from 歐倩怡/IG
現時已經正式成為專業營養師嘅佢亦已有轉型嘅打算，更開始以營養師身份成功接 job，為一間餐廳設計有營健康餐單。
Photo from 歐倩怡/IG
Photo from 歐倩怡/IG
不過 Cindy 並冇打算止步於此，事關佢已經計劃好喺嚟緊嘅 10 月就會再讀另一個相關碩士課程，繼續向自己嘅夢想前進。
Photo from 歐倩怡/IG
唔知以後仲會唔會有機會喺銀幕前睇到佢演出呢？！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
