復活節必去！邊玩邊食體驗老香港

復活節就快到啦！難得有一連四日長假期當然要玩到佢！不過要諗去邊都幾傷腦筋，小編就發現挪亞方舟最新活動「童遊反斗時光機」，破格重新演繹香港懷舊主題，場內不但有唔少細緻復古佈置打卡位，仲有一連串食玩工作坊同遊戲，集齊各式玩樂於一身！

「童遊反斗時光機」共有五個懷舊主題活動，各配老香港特色裝潢嘅工作坊，置身其中猶如時光倒流到五六十年代嘅香港咁！

好似「養生花茶體驗坊」，小朋友可以喺古色古香嘅養生茶坊，「即席拜師」著起老茶館師傅制服，跟隨導師學調配草本花茶同其養生功效，揀選成份同包裝。一邊學養生同包裝知識，一邊體驗茶館師傅嘅工作！

Photo from Noah's Ark

波子棋、彈珠台大家由細玩到大，但全部變成放大版就另有趣味！場內嘅「巨型懷舊遊戲競技場」將波子棋、彈珠台及層層疊，變成大型「過三關」擂台！喺度可以大玩錯覺攝影，驟眼睇真係唔知自己係棋定係棋手！而且又可以用新玩法去感受父母輩兒時玩樂文化，好似用將球取代彈珠去玩超大版彈珠台！聽落都刺激！

Photo from Noah's Ark

砵砵！嘩！「熱狗巴士」呀！會場還原舊時香港街景，小朋友仲有機會著起巴士司機制服，同呢架古董巴士影返張復古「工作照」！

Photo from Noah's Ark

除咗懷舊遊戲，懷舊小食、桌遊同樣係港人集體回憶，大家都屢見不鮮。但講到自己親手DIY嘅話，相信大部份人都未試過啦！

場內設「維他奶砵仔糕」同「懷舊香江製麵」工作坊，俾大家用原味同麥精維他奶，調製出啡白雙色嘅新派砵仔糕！仲可以「自己湯麵自己做」，用製麵機自製唔同口味嘅麵團，搭配各款麵食湯底，最後仲可以自己設計埋包裝盒。有得食又得玩，絕對係吃貨最愛呀！

Photo from Noah's Ark

Photo from Noah's Ark

未夠喉？大家仲可以喺「情尋康樂棋製作室」自製康樂棋，喺充滿懷舊香港街景同特式嘅棋盤上，貼上不同圖案和指示，每個人都可以設計出獨特玩法同特色！整完可以拎走同家人朋友慢慢玩！

Photo from Noah's Ark

好玩嘅點止咁少？會場仲有其他刺激好玩嘅大型遊戲，大人小朋友一次過有得食有得玩，又可以發揮小宇宙，輕鬆盡興玩足成日！

挪亞方舟「童遊反斗時光機」
活動日期:2019年4月19日至5月13日(逢星期六、日及公眾假期)
時間:上午10時至下午6時
地點:香港新界馬灣珀欣路33號
入場費:成人HK$168，小童及長者HK$138
凡於挪亞方舟官網購買小童門票，即可優先預約最多2個活動！
網站: https://www.noahsark.com.hk/tra/2019easter.jsp

Presented By Noah's Ark