【武漢肺炎】台灣推出口罩販賣機 需掃描身分證確保購買人士資格

武漢肺炎疫情越嚟越嚴重，唔止中國多省均有確診個案，日本、韓國嘅確診病例亦都急速上升。

香港每日都有新增個案，而且口罩仍供不應求。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

台灣為保障境內口罩嘅供養量，推出一系列措施，包括禁止口罩出口、統一由政府配售口罩等。

除咗政府之外，有自動販賣機廠商就推出智能口罩販賣機，畀台灣民眾掃描身分證購買口罩。

Photo from Yallvend

販賣機由廠商YALLVEND聯合其他初創公司開發，操作簡單，只需掃描販賣機上QR Code，同意服務條款，然後將身分證對準掃描框進行身份認證就可以喺販賣機上點選商品。

Photo from Yallvend

購買成功會得到2個口罩。由於口罩供應商要配合政府徵召，所以提供嘅口罩並非醫療級，而售賣機亦只係試行，廠商期望未來可以同政府合作，發放口罩。

Photo from Yallvend

呢部口罩售賣機設喺寧夏夜市，吸引大批民眾排隊購買。

Photo from Yallvend

有人擔心掃描身分證會洩露個人資料，廠商指售賣機掃描身份證時會產生一組編碼，唔會儲存身份證影像，係用嚟辨別係咪同一個人，以免有人重覆購買，而廠商亦唔會取得市民嘅身份證資料。

Photo from Yallvend

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）