【意大利神父】大愛讓出呼吸器予年輕人 幾日後病逝！

意大利疫情嚴重，確診個案每日上升，患者有老有嫩，醫護都要面臨揀人嚟救嘅困境！當地有位確診嘅天主教神父，就將唯一一部呼吸機轉贈畀一個素未謀面嘅年輕人，發揮大愛精神！

意大利72歲嘅神父貝拉德利（Don Giuseppe Berardelli）早前因為不幸染上新冠肺炎（俗稱武漢肺炎），教區為佢買咗部呼吸機，希望有助紓緩佢嘅病情，得以續命！不過，佢就將部呼吸機轉贈畀另一個比佢年輕嘅武漢肺炎嘅患者，認為年輕嘅人比佢更有需要～神父棄用呼吸機之後，病情急轉直下，幾日後病逝！

Photo from shutterstock

Photo from twitter@JamesMartinSJ

另一名神父馬丁知到呢件事之後，就喺社交網站twitter分享，並引用聖經金句讚嘆神父貝拉德利嘅偉大：「人為朋友捨棄生命，人的愛心沒有比這更大了。（約翰福音15:13）」

有網民大讚神父係用生命示範點樣去愛人！

Photo from Facebook

意大利3月開始疫情失控，截至今日為止已經有超過6萬3千人確診、超過6千個死亡個案，仲有至少23名醫護人員殉職。

呢種大愛精神當然值得欣賞，但小編唔希望再有人要犧牲！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）