
超嚴社交令!新加坡要求民眾保持1米距離 違例最高罰$5.4萬同監禁6個月
新冠肺炎(武漢肺炎)來勢洶洶,各國病例上升令多地政府嚴陣以待。
新加坡向來嚴例實施抗疫措施,之前曾有人因違反家居隔離令而撤銷其永久居留權。
最近新加坡疫情變得嚴重,單日新增超過50宗確診病例,政府宣布新抗疫措施,下令民眾喺公共場所要保持最少1米社交距離。
Photo from shutterstock
違例者最高可被罰款1萬新加坡元(約港幣$5.4萬)及監禁6個月。新措施將於星期五起實施,直至下月30日。
Photo from shutterstock
新加坡早前宣布一系列防疫措施,包括禁止舉行大型活動,要求酒吧暫停營業,聚會人數限制不得超過10人等。
Photo from Pinterest
新措施實施後,市民喺公共場所排隊等均需保持1米距離,學校、辦公室、議會及法院則獲豁免。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
新加坡一男子違反家居隔離令 遭當局撤銷永久居民資格+禁止入境
27 Feb 2020
喺武漢肺炎疫情下,各國都嚴陣以待,多國採取「封關」措施,亦要求去過疫區嘅國民自行隔離。
而新加坡就有一名男子因違反隔離令而遭嚴懲。
疫情發生後,新加坡實施咗家居隔離措施,針對喺過去14日內去過疫情高危地區嘅新加坡居民,規定佢哋需接受家居隔離,14日內留家觀察。
不過,有一名45歲屬新加坡永久居民嘅男子近日曾到訪中國大陸,回新加坡後接到家居隔離通知,但佢其後唔接電話,甚至喺檢查人員上門時,發現佢都無留喺屋企。
2月23日,該名男子喺樟宜機場試圖離境,新加坡移民與關卡局警告佢已違反規定,可能會受到處分,但佢仍堅持出境。
據新加坡媒體報導,當局考慮到男子嘅違例行徑,已拒絕他再入境准證(re- entry permit)嘅更新申請。即係該名男子將會喪失永久居民同再次入境新加坡嘅資格。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)