黎諾懿何文田複式豪宅曝光！住過劏房婚後搬入豪宅！為囝囝整水上樂園

黎諾懿入行多年，曾經住過劏房，與港姐李潔瑩結婚後從西貢村屋搬出市區，租住何文田複式豪宅！從佢同老婆公開嘅相中，屋企有落地大玻璃望到維港、超高樓底、大型天台及露台可畀囝囝種菜及自製水上樂園。

入行多年嘅黎諾懿星途平平，更住過劏房，佢指當時嘅劏房環境唔錯，仲有獨立廁所。

佢2016年同港姐李潔瑩結婚後住西貢村屋，有指佢岳父岳母購入千萬豪宅送畀女兒及女婿。

而主演《愛回家》後，黎諾懿吸金力大增！更搬入何文田豪宅。佢同太太不時喺社交網站分享一家三口嘅相，屋企裝修等意外曝光！

（圖片可左右滑動）

黎諾懿家係複式單位，屋企有樓梯上2樓。

客廳有一列落地大玻璃，可以望到維港海景！

樓底超高！拋小春雞上天都唔怕，大理石牆身設計，感覺氣派。

飯枱夠大，廚房都設備齊全。喺屋企開party都無問題！

有長型露台，畀囝囝做小農夫種下菜，連人參果樹都種到～

屋企仲有天台，可以擺到吹氣水上樂園畀小春雞玩。

仲有囝囝嘅玩具房，玩具執得整齊。囝囝房間仲有韆鞦添！

全屋空間感好大，連走廊都勁闊落。

圖片來源：黎諾懿、李潔瑩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）