陳自瑤生日post性感美照！老公王浩信官腔留言遭Yoyo無視！

陳自瑤（Yoyo）琴日迎嚟39歲生日，佢喺IG post出一系列靚相慶祝，一眾圈中好友紛紛留言祝佢生日快樂。老公王浩信都有留言祝福，不過就勁官腔，而且Yoyo仲惟獨無like老公！

8月27日生日嘅陳自瑤近日喺Istagram post出一輯靚相，佢指係「籌備已久的禮物」。

每張靚相都配返一啲正能量留言：「只有守住内心的淡定與寧靜，才能在茫茫的人生旅程中，欣賞到美麗的風景.....」

「時光裏總會有很多驚艶而美麗的東西，在擁有前，我們首先要完善自己，與其匹配......」

「每一個人都有着只屬於我們自己的閃光點，你的閃光點不是在外面的某一個地方，而是沉睡在你的內心。最親愛的自己，生日快樂?❤️」

「總有一天你的堅持會像一束光，衝開桎梏，散發屬於自己的光芒，照亮前行的路......」

人緣好嘅Yoyo有勁多圈中好友為佢送祝福！包括楊怡、陳凱琳、譚凱琪、6號、洪永城等。Yoyo亦一一回覆，留言感謝大家嘅祝福。

其實老公王浩信都有留言：「生日快樂?」，不過回晒好友嘅Yoyo就無視老公呢個留言。

佢哋結婚以嚟多次傳出婚變，有人就讚王浩信係好老公，不要亦有人指佢嘅祝福好官方，亦表示Yoyo次次都skip王浩信留言。

圖片來源：陳自瑤Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）