天王嫂方媛展舞姿跳Blackpink被指手腳唔協調：叫你老公教下你啦！

「天王嫂」方媛（Moka）老公郭富城係舞王，佢對跳舞都好有關心，之前疫情期間都堅持出門練舞，日前佢post出自己跳Blackpink嘅片段，不過被網民指四肢僵硬，佢霸氣回應！

「天王嫂」方媛（Moka）老公郭富城係公認嘅舞台王者，之前為幕後Dancers同電影人籌款，舉行網上直播音樂會。54歲嘅城城喺戶外勁歌熱舞1個鐘，表演仍然高水準。

身為跳舞天王嘅太太，方媛都好熱愛舞蹈，疫情期間都堅持出門練舞。

佢早前將自己跳舞嘅片段放咗上抖音，方媛cover咗韓國人氣組合BLACKPINK 嘅《How you like that》。

方媛跳得非常認真，不過舞姿顯得有啲生硬，唔夠流暢。網民點評佢嘅舞姿，指佢跳得好僵硬，手腳唔協調。

有網友表示方媛跳舞節奏感仲差過廣場舞大媽：「叫你老公教下你啦！」

有網民留言：「我的天啊，看完粉轉黑」，方媛霸氣回應：「好的送你一程！」亦有網民表示：「別跳了求你了！」方媛回：「你這句話可能讓我更認真跳了。」

睇嚟佢對跳舞真係有一份執著。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）