72歲獨居婆婆豪花200萬買15年健身會籍！8年後再被27歲健身教練騙走全副身家

所謂「防人之心不可無」，據有線新聞報道，一位72歲獨居婆婆喺2012年於秀茂坪一間連鎖健身中心豪擲$200萬買15年會籍及課程。8年後結識27歲健身教練，婆婆想攞返會費，對方指可幫手全數取回，結果騙走婆婆全副身家$350萬！

Photo from i-CABLE

據知呢位72歲婆婆退休多年，退休前喺非政府組織（NGO）任職文員，現獨居於房協「長者安居樂」屋彩頤居一年，該屋苑又有「富貴長者屋」之稱。

Photo from 《老表, 你好hea! 》

唔少香港人都有健身嘅愛好，婆婆無兒無女，喺8年前因為健康原因一次過花$200支付15年會費，會籍尚未到期，婆婆想退回套票及會費。

Photo from 《12金鴨》

婆婆舊年認識27歲健身教練，對方聲稱可以幫手取回全部會費，不過就要求收取$8萬手續費。

Photo from i-CABLE

騙徒手法層出不窮！後來健身教練又以各種不同理由要婆婆付錢，前前後後竟再花近$260萬！婆婆花盡積蓄，無力承擔下唯有碌信用卡購入4隻共值$90萬名錶畀健身教練。

Photo from i-CABLE

婆婆為買名錶碌爆卡，每月需找卡數$3萬！家產本身有成幾百萬，畀人呃下呃下，依家每日三餐都有困難，要向社工、區議員求助。

婆婆畀晒「全副身家」近$350萬後，該名健身教練突然銷聲匿跡，婆婆終於感覺「唔對路」，懷疑被騙，於是報警求助。

Photo from i-CABLE

健身教練涉嫌以欺騙手段取得財產被捕，據知婆婆係喺健身中心上課時認識對方，婆婆同教練無感情瓜葛（唔係「阿姨我不想努力了」），警方唔排除會有更多人被捕。

Photo from i-CABLE

普通人嘅心情會唔會係：「都要有錢先有得比人呃......」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）