鍾培生YouTube約女仔晒奢華生活！搭直升機入西貢野餐/揚言包紅館畀陳嘉倩報天氣
Photo from 鍾培生IG
鍾培生家底深厚，除咗係香港電競戰隊嘅老闆，佢仲有經營個人YouTube Channel，分享佢嘅日常生活。其中一個「Date with 鍾培生」系列就邀請咗唔同女性與鍾培生「約會」。
Photo from 鍾培生IG
每次「約會」鍾培生都別出心裁，行程絕無重複！過程更勁大方，大晒奢華生活！同「新聞小花」陳嘉倩齊齊DIY互相整禮物送畀對方。
Photo from 鍾培生IG
鍾培生仲創作咗首歌唱畀女神聽，歌詞狂讚嘉倩bb係女神。另外佢又表示想投資包場紅館畀嘉倩bb報天氣！「百億富三代」嘅投資計劃真係唔同啲！
Photo from 鍾培生YouTube
Photo from 鍾培生YouTube
同Mikie去山頂Date嘅一集，鍾培生就包咗成架纜車；約張欣欣去機舖，亦包場同對方玩跳舞機。
Photo from 鍾培生IG
Photo from 鍾培生IG
鍾培生為同Faye崔菲嫣去野餐，更出動直升機飛入西貢鹹田灣，野餐嘅食物都唔講得笑，有魚子醬撻、黑松露三文治，再加埋杯香檳，野個餐都豪華過人！
Photo from 鍾培生IG
Photo from 鍾培生YouTube
Photo from 鍾培生YouTube
Photo from 鍾培生YouTube
有唔少網民表示好鬼葡萄，鍾培生指「Date with 鍾培生」集集都有人叫佢淨係拍呢個系列，但集集亦有人叫佢cut咗個節目，令佢覺得好難捉摸。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【鍾培生身家】百億富三代淺水灣5層逾萬呎豪宅全面睇！超豪生活曝光 求其一架跑車夠林作買過百套西裝
22 Feb 2021
Photo from 林作IG
起初僅因為林作多口一句「抄我100萬？」即引嚟鍾培生邀戰，更豪晒$100萬現金要同林作對打！
Photo from 鍾培生IG
林作公開呼籲TVB副總經理曾志偉買下「臨終之戰」直播權：「我能夠一舉將收視推上當年高峰。」勁睇得起自己！鍾培生仲印埋合約，不過就被「大狀」林作直指係「垃圾」，更當場撕爛。
Photo from 林作IG
連林作前女友麥明詩都曾表示期待兩人對打，希望擂台戰可以成事。雖然有唔少人「食花生」，不過實際上都唔睇好林作會贏到。
Photo from 鍾培生IG
原因除咗因為鍾培生本人有打開拳，仲因為論「家底背景」，林作可以話係「無得比」。
#「百億富三代」家族顯赫
一般有錢人可能係「富二代」，但鍾培生係「富三代」，上市公司華廈置業創辦人鍾江海就係佢爺爺，佢爺爺有「工廈大王」之稱，公司旗下有眾多商廈、工廈、住宅物業。
Photo from 鍾培生IG
以前住山頂，依家全家住淺水灣黃金地段。
Photo from 鍾培生IG
#家住淺水灣逾萬呎豪宅
既然係「百億富三代」，屋企自然相當豪華。鍾培生屋企位於淺水灣，共5層過萬呎！
Photo from 鍾培生IG
Youtuber聖結石Saint就探訪過鍾培生嘅淺水灣豪宅。
Photo from 聖結石Saint Youtube Channel
家中有麻雀房、酒窖、Playroom、健身室、蒸氣室、衣帽間等，除咗鍾培生同父母之外，仲有10位外傭單獨住一層（鍾培生稱唔清楚家中有幾多位傭人，隨口回答「10吧！」）。
Photo from 聖結石Saint Youtube Channel
Photo from 聖結石Saint Youtube Channel
Photo from 聖結石Saint Youtube Channel
Photo from 聖結石Saint Youtube Channel
Photo from 聖結石Saint Youtube Channel
廚房分中西式，家中有卡啦ok設施，另外熱愛打拳嘅鍾培生喺花園更設有打拳擂台。車庫亦有多部名車如法拉利。
Photo from 鍾培生IG
#17歲開始炒股賺錢
鍾培生家底豐厚，17歲已用屋企人嘅股票戶口作投資股票，初次炒股就贏到$20萬！
Photo from 鍾培生IG
到18歲佢炒賣高風險期指再賺超過$1,000萬！
#創立逾$3億電競王國
2013年佢成立香港電競有限公司，打造香港首支職業電競戰隊，現時喺《英雄聯盟》、《爐石戰記》、《傳說對決》等都有隊伍，估計公司資產達3億港元以上。
Photo from 鍾培生IG
佢更為自己旗下嘅電競戰隊建立「HKE電競大樓」。
Photo from 鍾培生IG
#30歲仍單身
現年30歲嘅鍾培生仲係單身人士，佢曾透露自己自10左右暗戀初戀女友十幾年，去到24歲先同人拍拖，可惜戀情但維持5個月。
不過佢都有唔少緋聞女友，包括陳婉衡、蔣家旻等。佢嘅Youtube亦邀請過好多女生出演《Date With 鍾培生》，包括陳嘉倩、張欣欣等。
Photo from 鍾培生IG
Photo from 鍾培生IG
Photo from 鍾培生IG
鍾培生有打開拳，參加過唔少拳賽，林作似乎勝算不大，連林作女友裕美都唔睇好男友，仲叫佢留啲錢畀自己。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林作要網民每人畀70蚊幫佢籌旗隻揪 見鍾培生晒100萬現金即笠水
19 Feb 2021
「富三代」鍾培生近日喺網上公開向林作宣戰隻揪，指如果林作勝出會代佢出$100萬，林作初時大晒拳擊照表示「驚都未驚過」，但後來開始「縮沙」，表示對方未夠知名度，更籌旗$200萬想買起鍾培生畀佢打。
Photo from 鍾培生IG
鍾培生家底雄厚，係香港電子競技有限公司創辦人兼行政總裁。早前林作喺鍾培生派$100萬嘅報道下留言：「抄我100萬？」
Photo from 鍾培生IG
估唔到鍾培生直接喺IG Story tag林作：「你咁想紅我幫你，我哋打一場，你贏咗我幫你找100萬，你輸咗我都畀30萬出場費你」公開挑機！
Photo from 林作IG
睇鍾培生IG就知道，佢係有打開拳。林作同佢對打應該無乜勝算。
Photo from 鍾培生IG
Photo from 鍾培生IG
Photo from 林作IG
鍾培生更親自現身連登表示會同林作「上擂台隻揪」，仲話無嘢想同林作扯上關係，諷刺道：「你唔係裸跑都唔敢同我隻揪呀話」
Photo from 林作IG
林作其後晒拳擊照稱：「驚都未驚過。我打開」之後又post片發起眾籌，話有70萬就會同鍾培生「隻揪」，而鍾培生親到林作IG下留言：「你唔使呃香港人錢，你有一球就肯打，冇問題港幣1,000,000你贏輸都有，我依家book場，搵production，同寫合約，你唔好縮沙就OK」
Photo from 林作IG
Photo from 林作IG
眼見鍾培生逼得咁緊，林作似有「縮沙」之意，佢表示近日因工作太忙無暇顧及鍾先生嘅邀約。仲擺埋阿媽上枱，話媽媽表示唔認識鍾先生，擔憂未夠知名度，需要少少時間起底並衡量：「我們不懷疑對方家底比自己厚，但有錢不代表一切。」
Photo from 林作IG
Photo from 林作IG
鍾培生對此表示：「又係你自己話差70萬就同我死過，乜原來賣保險可以咁無誠信」
Photo from 鍾培生IG
Photo from 鍾培生IG
「縮沙」過後，林作再發表宣言，公開向鍾培生講：「我俾200萬你，你俾我打一鑊，最好睇。」但網友已睇出林作淆底：「明明連100萬都冇要問人乞$70 淆底唔敢打就話俾返200萬叫人俾你打」，更封佢為「林笠水」。
Photo from 林作IG
Photo from 林作IG
見林作想笠水，鍾培生豪晒100萬現金：「林作呢度100萬你簽左就係你嘅。我本身唔識你，你零誠信令我睇唔起你，唔該你唔好再抽我水，我唔想同你拉上任何關係。擂台面前人人平等，你要借我上位擂台見。我相信打得成，會係近年來香港人最開心嘅事。」
Photo from 鍾培生Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
