太子包販子7月尾結業！必食菠蘿咕嚕雞包＋陀地西多

太子人氣小店「包販子」以創意漢堡包為主打，其招牌Logo更深入民心。不過最近官方IG出Post表示，店舖將於七月尾結業，不少網民大叫可惜。

店舖提倡「口要盡擘，手要邋遢」，入到舖頭歎漢堡包，絕對要忘記所有餐桌禮儀，盡情地食包！店內主打一系列自家製漢堡包，最受歡迎是咕嚕雞包及牛油果軟殼蟹包，前者用上中式咕嚕雞，伴以新鮮厚切菠蘿及甜酸醬，食落清甜開胃，中和油膩感。

炸得香脆的軟殼蟹配上牛油果及紫菜醬汁，軟殼蟹大大隻，食落酥脆。陀地西多為店內招牌甜品，炸麵包配上自家製花生味雪糕及焦糖花生脆脆，不禁令人一口接一口，非常邪惡！

早前官方IG出Post表示，店舖將於七月尾結業，不少網民大叫可惜，如果想再次品嚐到店內美食，記得把握最後機會，好好珍惜。

包販子
地址：太子通菜街254號地舖
營業時間：星期一至日10-8pm （6-10pm只限外賣）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）