港男與女友行IKEA感到失落！過唔到壓力測試/抽居屋難過肺炎清零！自覺無未來灰爆

香港人最愛行傢私鋪，尤其係IKEA，唔少貨品價格便宜。近日有港男喺討論區開post指每次同女朋友行完IKEA，都會有好大嘅無力同失落感，覺得自己同女友無將來。

Photo from IKEA

IKEA嚟自瑞典，喺香港有唔少分店，平日都有唔少香港人會行。不過最近喺連登討論區有網民發文指同女友行完IKEA有好大嘅無力同失落感。

Photo from IKEA

Photo from IKEA

樓主指佢同女朋友拍咗五年拖，雙方都快踏入三字頭，視彼此為終生伴侶，亦有計劃步入人生另一階段。佢哋都有計劃儲錢，希望儲幾年錢夠首期就上車。

Photo from TVB

樓主表示佢同女友周末活動就係行IKEA。每次行IKEA，女友都會同樓主傾訴將來間屋嘅陳設、間隔等，又會揀心水傢俱，抄低其價格同尺寸。

Photo from TVB

Photo from TVB

雖然有計劃上車，但樓價高企，買樓上車對時下年輕人嚟講可以話係遙不可及嘅夢。樓主見女友對將來充滿期盼，自己卻感到十分無力。

Photo from TVB

樓主指佢嘅月薪過唔到壓力測試，申請唔到按揭貸款，而抽中居屋嘅機會亦好微，難過全球肺炎確診清0：「我能做甚麼？」

Photo from 男人唔可以窮

樓主覺得非常迷惘：「打後5年繼續一起和女友逛IKEA發上車夢，延續她的期盼？或是放她離開，讓她跟有能力上車的男生交往？」，自覺買唔到樓嘅樓主灰爆表示：「看不見未來，看不見和女友的未來...」

Photo from TVB

有網友就指唔明點解會有香港人鍾意行IKEA，不過有網民回覆指IKEA嘅傢私價錢夠平。有網友就表示樓主買唔到樓都可以租，如果執意要買樓先結婚其實大部分香港人都結唔到。

Photo from lihkg

Photo from lihkg

Photo from lihkg

Photo from lihkg

Photo from lihkg

同日同一個post喺香港討論區都有出現，有網民指兩個人都過唔到壓力測試就真係唔好考慮買樓。

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）