港男不滿女友經常拒絕透露行蹤！ 網民竟反撐女友：管得嚴過老豆

情侶之間無所不談，彼此分享生活上嘅大小事係好平常嘅事。最近，有位港男就話女友經常都唔同佢講自己嘅行蹤，非常神秘，令佢不禁懷疑女友係咪出軌？！

Photo from TVB

相信大家都可能會同另一半分享一日當中遇到嘅嘢，就算冇得見面都可以透過交談，令感情升溫。日前，有位港男就喺討論區向大家訴苦表示女友經常都唔主動同佢講自己嘅行蹤，令佢非常難受！

Photo from 香港討論區

港男表示平時同女友拍拖約會臨別嘅時候，都會提醒女友「返到屋企WhatsApp我知」，然而女友經常都做唔到，每一次都要港男主動再詢問佢先會回覆佢！當佢問女友點解唔願意同佢講嘅時候，女友就回答「有咩好講啊？」

Photo from TVB

後來，港男發現原來女友成日都會放工後獨自去逛街，而且冇同佢講過，令佢非常詫異！最近，佢又發現女友自己一個出街買衫，令佢忍唔住詢問女友「點解要自己去街」，女友就解釋覺得自己買衫比較自在。

Photo from TVB

但港男似乎唔太理解女友嘅諗法，認為佢好似經常都將自己嘅行蹤收收埋埋，質疑女友會唔會係另結新歡，出咗軌？！港男認為佢只不過係想知道女友做緊咩，而佢本身就咩都會同女友傾訴，所以亦希望女友可以用同樣方式對待佢。

Photo from TVB

有部分網民就認為港男嘅行為太誇張，覺得佢未免控制欲太強，而且佢嘅行為仲好容易會令女友反感；有部份網民就非常理智咁分析，認為女友可能本來就係一個比較獨立嘅人，比較注重私人空間，再加上冇同人報到嘅習慣，所以先會經常忘記。

Photo from 香港討論區

Photo from 香港討論區

有網民就講笑咁話「管得仲嚴過屋企人」，亦有網民覺得「咁痴身，係女人都搵第二個啦」！認為如果港男繼續咁樣落去，好有可能會迫走女友。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）