網紅為塑造好形象 不擇手段！ 被公園管理員踢爆照片真相 引起民憤！

內地嘅網紅數量越來越多，唔少網紅都要絞盡腦汁搵方法突圍而出。其中一位網紅就利用鼓勵網民一齊響應環保為題，上載咗幾張於公園內清理垃圾嘅圖片，親力親為保護環境！不過，佢後來就被公園內嘅管理員大爆圖片後嘅秘密，真相惹怒大批網民！

Photo from 微博

#內地網紅響應環保！

網絡紅人遍佈全球，而且數量仲變得越來越多，唔少網紅都要花盡心思諗拍攝題材，令大眾留下深刻印象！有內地網紅「Cccci鄭家宜」就利用現今社會關注嘅議題「環保」，作為佢吸引粉絲嘅途徑，仲好親力親為咁用行動表示對保護環境嘅決心。

Photo from 微博

#親力親為到公園打掃環境！

由鄭家宜上載嘅照片可見，佢身穿白色維尼熊Tee，手持2個掃把，似乎打算開始打掃環境，而地下就佈滿膠樽、紙袋等垃圾，並寫上「6.5世界環保日，讓我們一起努力保護環境」！而另一張照片，就見到周圍嘅環境變得十分乾淨，而垃圾就被放置入4個麻袋入面。

Photo from 微博

#獲網民大讚！

照片曝光後，鄭家宜好成功咁引起網民嘅讚賞「人美心更美」等留言，而唔少網民仲開始轉發佢嘅照片，導致佢當時人氣急升！

Photo from 微博

Photo from 微博

#照片背後另有玄機？！

不過。有聲稱係該公園嘅管理人就於鄭家宜嘅post下面留言「這2張照片怎麼拍的，你不知道嗎？」，而佢就隨即回覆「公益嘛，就是不說只做！」管理人對於佢嘅回覆亦感到非常無奈，隨即公開當日公園內嘅閉路電視畫面！

Photo from 微博

#管理員公開閉路電視畫面！

公園管理人表示因為巡邏嘅時候，突然發現大量垃圾，所以就翻查閉路電視並發現真相！由影片中所見，公園內嘅地下本來十分乾淨，而大家所以為嘅 「清理好環境」嘅照片就係佢哋一開始就已經影嘅相片；後來鄭家宜以及隨行嘅人就開始將佢哋自備嘅4大袋垃圾周圍亂倒，並拍攝「打卡用」照片。而佢最終仲將所有垃圾放置喺地下，並離開現場！

Photo from 微博

Photo from 微博

#網民態度180度大轉！

事件嘅真相爆出後，隨即惹怒一班網民，紛紛指責佢「冇公德心！」、「為紅可以這樣嗎？」等，認為佢嘅行為非常過分，完全同佢所宣揚嘅訊息背道而馳！

Photo from 微博

Photo from 微博

#鄭家宜解釋一切都係佢自編自導自演？！

後來鄭家宜見事情變得嚴重，就出面解釋，話「其實公園管理人是由我朋友扮演，並非真實」，仲上載佢哋清理好現場嘅畫面，聲稱自己只係想用「反向宣傳」嘅方法去宣揚保護環境嘅訊息，令一眾網民十分混亂！而家呢2位當事人嘅微博都已經不存在，相信係因為違反社交媒體規則而受罰。

Photo from 微博

Photo from 微博

相關文章：內地富貴網紅家底雄厚 身家過億 被踢爆年齡/富二代背景全造假

相關文章：內地網紅直播期間不慎關掉美顏濾鏡　網民爆曾整容/被富二代王思聰追求4年

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小

更多相關文章

22歲知名網紅2年內結婚3次！ 與男友僅僅認識10日就結婚？！

15 Sep , 2021

內地知名網紅韓安冉因為曾經參加內地節目《整形計》而爆紅，而佢嘅感情生活亦十分多姿多彩。最近，佢就宣佈同認識10日嘅男友馬澤鑫閃婚，令網民表示驚訝，因為今次已經係佢2年內嘅第3段婚姻！

Photo from 韓安冉微博

#內地網紅韓安冉擁有478萬粉絲！

現年22歲嘅內地網紅韓安冉憑著豪爽嘅性格同精緻嘅美貌，曾經出演內地節目《變形計》體驗農村生活，並成功吸引一班粉絲，微博擁有高達479萬人追蹤！不過隨住名氣越大，佢嘅是非亦十分多，感情生活十分多姿多彩～

Photo from 韓安冉微博

Photo from 《變形計》

#2019年與網紅小豬結婚！

韓安冉喺2019年同另外一名網紅「小豬」結婚並誕下女兒，兩人大排筵席，補辦奢華婚禮，引起網民熱議！不過兩人嘅婚姻只係維持短短半年時間就決裂，兩人仲互相喺網上爆料大數對方缺點，並於同年12月正式離婚。

Photo from 微博

Photo from 微博

#兩人藕斷絲連，復婚後又二度離婚！

離婚後，韓安冉一蹶不振，足足4個月冇開過直播，而前夫「小豬」就提議一齊合作開直播，兩人因而舊情復燃，並於2020年4月復婚。但隔咗一陣，兩人又開始吵架，仲互相指責對方另結新歡，再度離婚，令網民霧裡看花！

Photo from 微博

#韓安冉宣佈三度結婚！

日前，韓安冉最近對外宣佈同大佢4年嘅花美男網紅馬澤鑫結婚嘅消息，令網民不禁嚇咗一跳！距離佢二度離婚相隔唔夠1年，佢就再一次覓到伴侶，令網民都驚呼「速度真係好快！」

Photo from 韓安冉微博

Photo from 韓安冉微博

#與丈夫僅認識10日

據悉，韓安冉同馬澤鑫只係認識10日就決定結婚，而男方為咗宣示主權仲將女方嘅樣貌紋咗喺手臂上！不過內地網民們就似乎唔太睇好兩人嘅婚姻，認為佢哋只係一時衝動，覺得好快就會傳出「分訊」。

Photo from 微博

Photo from 微博

#韓安冉承認曾整容！

除咗感情生活精彩之外，韓安冉仲曾經公開承認自己由16歲開始就整容，足足做過35次整容手術，令網民吃驚！佢坦承自己細個嘅時候審美觀的確有啲奇怪，導致後來覺得自己樣貌太假，而再一次做手術微調，仲話「要活到老，整到老」！

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）