陪伴大家成長～出道18年由可愛教主走到個性輕熟女！楊丞琳出道以來外型、歌曲、戲劇成長軌跡

最近楊丞琳《青春住了誰 Youth Lies Within》世界巡迴演唱會香港場勾起大家唔少回憶，因為佢唔少嘅歌唱同戲劇作品都陪伴住大家一齊成長，而且出道18年，亦睇到佢唔少變化！
Photo from 楊丞琳 年輪說 官方照片

楊丞琳一開始係以組合「4 in love」出道，之後主持綜藝節目。
Photo from 4 in love 官方照片

演出《惡魔在身邊》女主角齊悅，仲以片尾曲《曖昧》專輯令到佢喺台灣大受歡迎，唔少香港人亦因為咁而成為佢嘅fans～
Photo from 惡魔在身邊 劇照

被大眾都認為係「超口愛滴」嘅rainie更加剪左呢個得咁可愛嘅佢先carry到嘅髮型！
Photo from 楊丞琳 缺氧 官方照片

當時嘅楊丞琳仲行緊可愛路線，當中同羅志祥合演嘅《海派甜心》，同達浪嘅交流同種種賣萌，令到佢可愛嘅造型更加深入民心～
Photo from 海派甜心 劇照

但慢慢就開始見佢嘅戲路都有改變，剪左短髮開始轉行成熟路線嘅rainie更加參演爆紅嘅《醉後決定愛上你》。
當中雖然飾演嘅唔係超級女強人，但作為餐廳領班成日都會為員工出頭，係有主見嘅女性！好明顯見到佢好似由一個少女蛻變成為輕熟女，好似同大家一齊成長咁啊～
Photo from 醉後決定愛上你 劇照

Photo from 醉後決定愛上你 劇照

就好似佢係《蒙面唱將猜猜猜》入面都曾經透露剛剛出道「被指派」要用娃娃聲，到依家終於可以做番自己～呢個釋放相信歌迷都可以從佢嘅歌曲入面聽到。
Photo from 蒙面唱將猜猜猜

一開始大家都以《曖昧》定型左佢嘅歌路，但慢慢細心品嘗相信係會聽得出rainie唱功了得，感受到佢嘅技巧同爆發力！
Photo from 楊丞琳 曖昧 官方照片

係最近作品《年輪說》、《青春住了誰》等等仲會感受到佢情感嘅表達～睇住呢個可愛教主嘅成長，身為小fans嘅小編都覺得好感動啊～
Photo from 楊丞琳 年輪說 官方照片

Text: Holiday editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載