6大電視劇突兀細節位 睇親都會強迫症發作 瞬間抽離劇情的一刻

話說細細個就已經撈電視汁食飯到大，可以話係睇住電視時代變遷，名偵探小編發覺，無論時代點變，又無論係咩地區嘅劇集，都會有一啲共通點（當然會有例外喇）。而呢啲點係每次睇到都會強迫症發作，心諗可唔可以唔好咁？

1. 喺屋企都著去街鞋
Photo from 金秘書為何那樣
即係有時有啲鏡頭一轉，主角就已經出現喺屋企。而呢個時候，就會見到佢地腳上仲係著住出街鞋喺屋企周圍走。小編成日見到都覺得好唔舒服...心諗可唔可以除咗對鞋或者換對睡拖先，會入戲啲。

2.化住妝瞓教
Photo from 金秘書為何那樣
咁小編當然明白拍劇上鏡係唔可以真素顏㗎喇！之但係都唔好痴曬眼睫毛，化曬眼影咁瞓啊。小編睇到覺得好似瞓得唔舒服咁～

3.瞓醒已經有妝+頭已經set好
Photo from 金秘書為何那樣
然後第二朝起身，就會見到完美嘅髮型同妝容，差套衫，換埋出得門口！

4. 化住妝full mask／搽精華
Photo from 金秘書為何那樣
除咗化住妝瞓教，仲有化住妝full mask同搽保濕嗰啲friend...塊mask

5. 抬個醉酒fd上床但唔幫埋佢除鞋
Photo from Shutterstock
小編知道抬個醉咗嘅人返屋企已經係一件好煩嘅事，又邊得閒顧埋你對鞋啊～不過每次睇親呢啲場面，都會不知覺地講句「可唔可以除埋對鞋」

6. 早餐夠十幾人食
Photo from Shutterstock
尤其係貴族家庭，每朝起身落樓就成枱早餐，但可能得1-2個人食，有時仲要食1-2啖就走。為食小編每次見到都有種「好浪費啊」嘅感覺...

即係小編絕對唔係話呢件事係錯嘅！只係每次見到呢啲畫面，都會突然強迫症發作，哈哈～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）