老婆日日都扮唔同死法！《我老婆日日都扮死》真事改編～搞笑中帶出小道理！7大金句 「安慰說話反而係傷害」

日本電影《我老婆日日都扮死》預告之前都係網上大熱，因為電影中嘅老婆每日都用唔同「死法」嚟迎接老公放工。你以為呢個情節喺現實唔會發生，原來係由真人真事改編！改編自日本專門畀人問問題「Yahoo!知識」到問嘅問題。

Photo from golden scene

《我老婆日日都扮死》係由2010年「日本雅虎知識＋」嘅投稿，問網友意見，有關老婆日日扮死嘅情況，之後被二次創作成為動畫歌曲，超過200萬次以上點擊率，故事仲出埋散文集添。

Photo from golden scene

劇情講述阿淳（安田顯 飾）同千惠（榮倉奈奈 飾）結咗婚一段時間，阿淳有晚收工，發現千惠嘴角流血、瞓咗咗喺地下，嚇到佢要打電話叫救護車，呢個時候千惠就笑住咁企返起問係咪嚇親佢，就若無其事返廚房準備晚飯。

Photo from golden scene

Photo from golden scene

自此就日日用唔同「死法」迎接阿淳返屋企，搞到阿淳諗到底千惠係咪借扮死，有咩想同佢講？係咪想表達不滿？有咩點解唔可以直接講？

Photo from golden scene

有時仲因為要處理千惠扮完死嘅道具，仲差啲畀鄰居以為發生咗命案添！

Photo from golden scene

佢甚至試下配合千惠，睇下千惠今次係咩「死法」，再配合佢做戲，但阿淳都係唔明點解千惠要咁做。後來發現千惠唔係表達不滿，而係有特別嘅原因而日日扮死。

Photo from golden scene

千惠扮死嘅死法真係幾千奇百怪，有頭上插著箭；有著住軍服開槍；有時扮茱麗葉；甚至畀鱷魚咬死。

Photo from golden scene

一開始睇嘅時候，可能會以笑片嘅角度去睇，但睇睇下會發現到平常生活嘅小道理，同埋其實佢地之間有好多小小嘅甜蜜，入面有啲句子仲好有意思～

Photo from golden scene

「無需迫自己太努力，夫妻日日都要一齊，努力都會有極限」

「安慰說話反而係傷害」

「要剛好一半好難，不過只要有心就可以做到」

「只要你肯搵我，就一定會搵到我」

「人生由三個坡組成，上斜坡，下斜坡，小風波」

「會受苦，但只要兩個人齊心就可以跨越」

Photo from golden scene

香港9月13日上映～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）