網紅嫁豪門4年誕龍鳳胎仍沒名份 資產遭轉移揭老公出軌 被逼淨身出戶

台灣網紅袁曼軒（Sherry）4年前嫁畀澳洲礦業大王兒子，並育有2名小孩。原本過著少奶奶生活，卻發現丈夫出軌，更於攤牌時驚悉丈夫從未為佢申請配偶簽證，仲暗中將資產轉移！

Photo from Sherry曼軒 FB

30歲袁曼軒（Sherry）擁F cup傲人身材，身為網紅嘅佢透過分享名牌手袋開箱、豪宅介紹、整形經歷及經營代購生意吸納不少粉絲。佢4年前嫁入豪門，跟澳洲礦業大王之子Pierre Kuo結婚後育有一對龍鳳胎。

Photo from 網上圖片

Photo from Sherry曼軒 FB

Photo from Sherry曼軒 FB

正當大家都以為Sherry正享受幸福少奶奶生活，佢突然上載影片宣佈離婚。影片一開始，Sherry便直指由於丈夫有外遇而選擇離婚，呢個亦係佢早前停止更新了兩個月嘅原因。

Photo from Sherry曼軒 YouTube

Sherry表示，去年9月至11月回台灣探好友時，閨蜜向佢揭露其丈夫Pierre與小三嘅合照，之後更發現自己被騙了好久，「而且他們是同居，求婚連婚紗照都拍了，我整個人都快暈了。」

Photo from Youutbe截圖

Sherry透露，佢當時毫無預警下停止更新頻道，因為每日都喊到聲嘶力竭，甚至想過輕生。佢唔明雙方關係問題在哪，丈夫一直對佢好好，「最後一次見面還一起吃團圓飯，他只是告訴我他去工作，他去泰國出差。」但就喺出差嘅13個月當中，丈夫出軌了。

Photo from Sherry曼軒 FB

當佢決定同丈夫攤牌時，丈夫竟辯稱唔認識相中女子，更謊稱相中男只係同佢似樣，令Sherry徹底失望。佢指若果丈夫勇於認錯，都會因為年幼子女而「隻眼開隻眼閉」，但丈夫嘅荒唐解釋令佢死心。

Photo from Sherry曼軒 YouTube

低處未算低，Sherry發現其澳洲簽證竟被丈夫取消，令佢她滯留台灣多月。而且，佢亦揭發4年嚟丈夫都無為佢申請配偶簽證，一直以來都係用觀光簽證，「所以這次我回來澳洲是探親簽證，因為一直以來我老公從來沒有幫我遞交過配偶簽證。」

Photo from Sherry曼軒 FB

唔單止無「身份」，有網民私訊Sherry表示有興趣買樓，先令佢知道原來丈夫已暗中將Sherry物業放售，並將資產轉移，盡失屋內嘅貴重物品。

Photo from Youutbe截圖

雖然此事令Sherry痛苦不堪，但為咗一對仔女，佢認為不能放棄，亦希望透過分享自身經歷讓同路人重拾自信。而佢亦表示自己因經營代購生意而無經濟壓力，有信心獨力照顧孩子，「孩子我自己養，錢我自己賺，我真的就不需要老公。」

Photo from Sherry曼軒 FB

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）