年薪$2.9億日本富婆超豪華生活公開！每次食飯都要包場/ 另有豪宅專放雜物
呢個世界上有唔少「土豪」，佢哋嘅財產數目分分鐘多到我哋想像唔到！最近，有日本節目就去拜訪年薪賺$40億日圓（約港幣$2.9億）嘅高嶋理惠子（高嶋りえ子），而佢就向大家分享佢嘅日常生活同豪宅，家中仲擁有逾200個名牌手袋，果然有錢就是任性！
Photo from 《かみひとえ》
#年賺$2.9億日本富婆
世界上有唔少有錢人，有部份富豪依舊過住非常節儉嘅生活，亦有一部分享受緊「離地」奢華嘅生活。日本有一位年輕富婆就係屬於後者喇，而佢就係今年33歲嘅高嶋理惠子（高嶋りえ子）！佢憑著超強嘅吸金能力，31歲嘅時候就已經每年都至少賺到$40億日圓（約港幣$2.9億），亦因此而獲邀出演多個綜藝節目，喺日本擁有一定嘅知名度～
Photo from 《かみひとえ》
Photo from 《かみひとえ》
#擁有3間高級俱樂部+個人護膚品牌
據悉，高嶋理惠子畢業於國立大學理科，精通12國語言，現時喺銀座坐擁3間高級俱樂部，事業發展順利！除此之外，佢仲發展副業，出售高級護膚品。即使近呢2年經濟比較低迷嘅時期，佢都成功將佢自己生意嘅銷售額提升足足9億咁多，令佢而家每年賺到嘅錢已經飆升到接近$50億（約港幣$3.5億），非常驚人！
Photo from 《かみひとえ》
#享受奢華生活！
而高嶋理惠子嘅富有程度絕對係大家唔能夠想像到嘅，過去佢出演節目時就曾經曝光過自己嘅豪華生活同埋住宅，「離地」生活習慣令網民大為震驚！每日都會身穿華麗嘅服飾，出外亦有專屬司機接送，呢啲已經係基本嘢！
Photo from 《かみひとえ》
Photo from 《かみひとえ》
#獨愛鑽石首飾
每一次出街嘅時候都係全身名牌，而且仲一定會配戴金銀珠寶，其中佢最鍾意嘅就係鑽石！手上嘅鑽石戒指大到嚇親人，一隻手嘅戒指就已經價值接近$4億日圓，再加埋耳環、手鏈等行頭差唔多要大約15億日圓（約港幣$1億）！
Photo from 《かみひとえ》
Photo from 《かみひとえ》
#外出食飯必定要包場？！
由於高嶋理惠子唔鍾意食飯嘅時候，俾周遭嘅人打擾到，因此佢外出食飯嘅時候都會直接將成間餐廳包場，即使喺大家要排晒長龍等嘅食店，佢都可以好輕鬆咁品嚐到。而且佢好多時都係睇心情俾錢，曾經試過一餐飯就用咗$100萬日圓（約港幣$7萬）！
Photo from 《かみひとえ》
Photo from 《かみひとえ》
#設有豪宅雜物房
節目中，高嶋理惠子向大家展示嘅係佢用做「雜物房」嘅屋。雖然間屋並非用作居住用途，但係面積都十分大，房間拜訪多年來佢所購買嘅「戰利品」：其中有間房就專門放佢鍾情嘅Hermès手袋，足足有200個咁多！
Photo from 《かみひとえ》
Photo from 《かみひとえ》
#決定不再尋覓另一半
好多人都詢問高嶋理惠子點解唔搵另一半陪伴自己，咁多年來都依然係單身。佢就回答因為曾經被論及婚嫁嘅初戀男友傷害導致留下陰影，覺得靠自己更加實際，所以佢已經決定一輩子都單身！
Photo from 《かみひとえ》
Photo from 《かみひとえ》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本41歲女扮公主成癮更開育成班 學生近百：「係行走迪士尼」 身兼多職令人震驚？！
12 Aug , 2021
不少女生兒時都夢想過當公主，穿華麗美裙住城堡。到女孩長大後，一般都會追求更現實嘅夢想。但日本一名41歲女子卻整日「扮公主」，生活中每個細節都猶如活喺童話世界，更自稱「公主研究員」，更開班教學生點做千金！
Photo from 橋本 サリー IG
日本綜藝騷《ノブナカなんなん》專門訪問當地奇人異事，今次節目請來41歲嘉賓橋本Sari。佢自稱公主研究家，現時單身，愛穿誇張華麗禮服外出，聲線嬌嗲、說話尾音更會升八度，由內到外都散發著一種「彷迪士尼公主」氣質。
Photo from 《ノブナカなんなん》截圖
節目帶觀眾探討橋本「公主」嘅日常生活，首先佢嚟到一家美髮店，店員都為佢撒花，又送上粉紅玫瑰及香檳，同時將佢打造戴皇冠嘅公主造型。雖然睇落浮誇，但店員卻形容橋本為好有活力、不虛偽，係大家憧憬嘅存在。
Photo from 《ノブナカなんなん》截圖
Photo from 《ノブナカなんなん》截圖
之後，橋本進入一座豪華嘅歐陸風格「城堡」，一班打扮炫麗嘅女性喺玄關歡迎佢。原來，身為公主研究家嘅橋本亦係「公主導師」，會開班教導如何成為公主，喺全國更有近一百名學生！
Photo from 《ノブナカなんなん》截圖
公主班2小時收費八千日圓（約560港元），課程好受歡迎，學生中有唔少專業人士，如：助產護士、老闆娘等，更有學生從國內搭飛機到東京上課。有學生形容橋本老師係一個開朗樂觀嘅人，猶如「行走嘅迪士尼樂園」，仲話老咗之後要成為好似橋本咁嘅人。
Photo from 《ノブナカなんなん》截圖
Photo from 《ノブナカなんなん》截圖
Photo from 《ノブナカなんなん》截圖
節目了解過橋本身世，其實佢6歲開始學芭蕾舞，夢想成為主題樂園舞者，18歲為追夢由大阪搬到東京。經過多次落選後，佢意識到個人魅力比技巧更重要。
Photo from 《ノブナカなんなん》截圖
Photo from 《ノブナカなんなん》截圖
23歲時，佢終於成為了主題樂園舞者，呢家嘅「公主格」亦係由嗰陣誕生。橋本嘅座右銘則是：「無論面對咩逆境，公主也能用笑容跨過難關」。
Photo from 《ノブナカなんなん》截圖
節目組想發掘橋本嘅弱點，於是拍攝佢同一名男性約會情況，對象係一名公司老闆，而佢對橋本評價亦頗高：「鐘意佢唔追求物質回報嘅態度，又經常微笑，見到佢能夠消退工作疲勞！」
Photo from 《ノブナカなんなん》截圖
節目組仍然好想「撕破」橋本嘅公主面具，於是安排佢進行一連串考驗，如：做腳底按摩、食激辣拉麵、甚至玩過山車，但橋本竟能一直保持公主人設，只會發出公主叫聲「kai」，好搞笑同時通過所有考驗，令人佩服。
Photo from 《ノブナカなんなん》截圖
到晚飯時間，橋本於廚房煮食，此時突然傳來小孩聲音，喊著：「媽媽~」，令節目組震驚嘅係，橋本原來係育有三名孩子嘅單親媽媽，佢哋都欣賞橋本可以同時扮公主、育兒、開班和約會，其時間分配及經營能力令人佩服。
Photo from 《ノブナカなんなん》截圖
另外，從橋本IG可見，佢最近將其「城堡」翻新成粉紅色，夢幻非常！
Photo from 橋本 サリー IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
