![鄧倫逃稅1.06億遭封殺,fans稱「有內幕」!3大逃稅藝人近況公開](https://image.presslogic.com/holiday.presslogic.com/wp-content/uploads/2022/03/4a2c1f2f.jpg?auto=format&w=718)
鄧倫逃稅1.06億遭封殺,fans稱「有內幕」!3大逃稅藝人近況公開
Photo from 微博
鄧倫被追討1.06億,逃稅獲提醒仍改善不徹底
現年29歲嘅鄧倫日前被傳涉逃稅,事件獲官方證實,指佢喺2019年至2020年間偷逃個人所得稅4765.82萬元人民幣,其他少繳個人所得稅1399.32萬元人民幣。
Photo from 微博
調查過程中,鄧倫積極配合、主動補繳稅款4455.03萬元人民幣,合共被追討1.06億元人民幣。通告更指出鄧倫獲多次提醒、督促仍「整改不徹底」。
Photo from 微博
內地封殺,主演劇集被除名
鄧倫逃稅消息爆出後,多個由鄧倫擔任代言人嘅廣告商紛紛劃清界線,與鄧倫解除合作關係。鄧倫本人亦公開發文道歉,可惜不獲內地網民接受,佢工作室嘅社交網站帳戶亦一夜消失。
Photo from 微博
Photo from 鄧倫微博
鄧倫近年出演多套內地劇,擔正做男主角,又參加唔少綜藝節目,已榮升做一線小生,但被爆逃稅後佢主演嘅劇集都刪走佢嘅名字,但佢嘅作品暫時仍未下架。
Photo from 微博
fans堅信鄧倫,未播出作品獲重點推介
唔少內地網民相信鄧倫已被列入封殺名單,但有鄧倫fans提出佢可能係因為經理人報稅失當先會出事,又指鄧倫既然補繳逾4千萬稅款,無理由會唔交埋300萬人民幣,fans表示雖然逃稅係唔啱,但鄧倫不致於要全面被封。
Photo from Facebook
Photo from 微博
Photo from Facebook
微博有網友爆出佢出事前工作情況,指鄧倫當時已心不在焉,未知係咪苦惱稅務處理嘅問題。雖然鄧倫過往嘅影視作品被除名,代言產品亦宣佈終止合約,佢或面臨巨額賠償,但佢與倪妮主演嘅未播內地劇《夜旅人》卻獲安排為影視平台愛奇藝國際版嘅「重點推介劇」之一,仍有望翻身。
Photo from 微博
其實內地近年逃稅藝人唔少,但大多都係女星,佢哋嘅星途喺逃稅事件爆出後亦大受影響。而比起之前逃稅嘅藝人,鄧倫牽涉嘅金額相對較少。
Photo from 范冰冰 微博
范冰冰逃稅近9億,事業一落千丈主力發展海外市場
范冰冰2018年事業如日中天之際被爆逃稅及陰陽合同,當年佢「消失」近3個月,及後被追討8.83億元人民幣,震驚中港台三地!范冰冰喺微博貼出六百多字嘅致歉信。
Photo from 范冰冰 微博
之後佢嘅事業一落千丈,本來影視資源都好多嘅佢作品大大減少,已拍攝嘅作品全遭雪藏,佢出事前嘅電影《爵跡2》更被AI換臉,連未婚夫李晨亦宣佈同佢分手。不過佢微博未被禁,范冰冰仍有持續更新近況,仲有逾6,300萬fans追蹤。
Photo from 微博
喺逃稅風波4年後,有消息指范冰冰將客串出演韓劇《Insider》,劇集由姜河那、李玉英主演,范冰冰之前參演嘅荷里活電影亦於2022年年初上映,不過成續一般。
Photo from 范冰冰 微博
鄭爽消聲匿跡,曾自爆暫居美國生活艱難
同樣受「陰陽合約」傳聞影響嘅仲有另一位女星鄭爽。2021年1月佢被前夫張恒爆料指代孕、逃稅,事後上海市稅務局證實逃稅傳聞屬實,向佢收取2.99億人民幣!
Photo from 微博
鄭爽嘅微博隨即被禁言,佢主演嘅未播及已播電視劇亦被內地廣電總局下令不得播放,電視機構、網絡電視等都唔容許再邀請鄭爽參與節目,被全面封殺。
Photo from 微博
鄭爽喺內地娛樂圈「被消失」,佢喺IG繼續發言,但佢喺被禁言前曾發文透露疫情下佢喺美國每日飲自來水維生,又稱只有5件衫2條褲,連買紙巾、m巾都要慳住用,無工作無收入嘅佢住靠朋友接濟,不過佢好快就刪文。鄭爽嘅最新消息都係2021年,最近佢IG亦未有更新。
Photo from 微博
「直播一姐」薇婭逃稅6億復出無期
除咗上述兩位女星外,內地「直播一姐」薇婭(本名:黃薇)20201年12月亦被爆逃稅6.43億元人民幣,雖然佢唔算係藝人,但佢畢竟係直播界嘅大姐大,好多一線明星都會上佢嘅直播間參與帶貨。
Photo from 微博
逃稅被爆後,薇婭亦有金公開道歉,但佢嘅微博、抖音等帳號都已封閉,連淘寶直播間都消失埋,直至現時佢都再無直播。薇婭曾經係佣金收入都超過20億港幣嘅直播主,現時主要收入來源直播已停止至今,復出無期。
Photo from 微博
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
「淘寶一姐」薇婭逃稅6億人民幣被封殺!雙11帶貨逾82億!主播收入排第一
21 Dec 2021
「淘寶一姐」薇婭原以歌手身份出道
內地流行「網絡直播」,唔少明星都會開直播「帶貨」,其中有「淘寶一姐」稱號嘅「薇婭」(本名:黃薇)更係直播界嘅大姐大,好多一線明星都會上佢嘅直播間參與帶貨。
Photo from 微博
Photo from 微博
薇婭出生於1985年,原來佢做直播之前曾經以歌手身份出道但星途平平,估唔到轉行從事帶貨直播主卻爆紅成為「直播一姐」。
薇婭內地「雙11」預售業績達82.52億!被揭逃稅6億
有指喺內地「雙11」購物節,薇婭第一天預售嘅業績已高達82.52億元人民幣(約港幣$101億)!就算只得最低20%嘅銷售分成,主播佣金收入都超過20億港幣!
薇婭嘅直播事業發展得如火如荼,但近日浙江省杭州市稅務部門經稅收大數據分析就發現薇婭涉嫌逃稅,經調查薇婭喺2019年至2020年間「偷逃稅款6.43億元(約港幣$7.86億),其他少繳稅款0.6億元。」
薇婭被追討13.41億,發道歉信後被全面封禁
喺稅務調查過程中,薇婭亦配合並主動補繳稅款5億元人民幣(約港幣$6.12億),亦主動報告其他未被調查嘅行為,決定追討共13.41億元人民幣(約港幣$16.4億)款項。
事件公佈後唔少網友感震驚,而薇婭亦發表道歉信:「錯了就是錯了,我願意為我的錯誤承擔一切後果,對不起!」,但隨後佢嘅微博、抖音帳號等都被封閉,而淘寶直播間亦都已消失。
Photo from 微博
Photo from 微博
Photo from 微博
中國網絡主播收入排名公開,薇婭列榜首、李佳琦排第二
有內地傳媒整合2021年一月至九月中國網絡主播淨收入排行榜,薇婭以29.213億元人民幣(約港幣$35.74億)位列第一,而「口紅一哥」李佳琦則以24.122億元人民幣(約港幣$29.52億)排第二。
Photo from 微博
Photo from 微博
馮提莫、李子柒分別以13.218億元人民幣及13.105億元人民幣排第四、第五。同薇婭齊名嘅「直播一哥」李佳琦平時都有同唔同嘅明星合作帶貨,對於今次薇婭逃稅事件,佢嘅團隊負責人回應指:「感謝關心,我們經營一切正常。」
Photo from 馮提莫YouTube
Photo from 李子柒YouTube
Photo from 微博
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)