辰亦儒直播曬飛輪海舊照 網友揭故意截走炎亞綸 又添不和證據

前台灣組合「飛輪海」係解散後一直好少同框出現，而近日成員之一嘅辰亦儒係網上直播，展示同其他隊員嘅舊照，不過被網民發現佢故意「裁走」炎亞綸？

Photo from 微博 @汪東城

辰亦儒直播曬舊照

「飛輪海」係2011年吳尊退出後就各自發展，而辰亦儒近年事業重心轉往內地，不時參與直播帶貨、教健康操等黎賺錢，而佢最近係網上直播就賣迪士尼相關嘅產品，仲拎手機出黎大曬同舊隊友合照，提及「飛輪海」曾經代言迪士尼樂園嘅活動。

Photo from 微博圖片

網友發現故意cut走炎亞綸

辰亦儒曬出「飛輪海」係2007年黎香港迪士尼嘅相，介紹相入面有汪東城同吳尊，同睡公主、貝兒、白雪公主，佢聲明呢張相「無P圖」，仲承諾有機會「找另外兩位王子來我們的直播間」，令一眾粉絲都超激動，期待3子一齊出現嘅畫面。

Photo from 微博圖片

不過有粉絲就奇怪點解4人組合代言辰亦儒手上嘅合照得3個人，於是搵返當年嘅相，發現炎亞綸當時都在場，只不過企係最旁邊，而辰亦儒展示嘅合照岩岩好將炎亞綸裁走，令網友都話：「「笑死了，還真是故意截掉了某人」、「就是沒有炎亞綸」、「實錘飛輪海是三人組合」。

Photo from 微博圖片

Photo from 微博圖片

傳不和多年曾被本人證實

其實「飛輪海」不和已經傳咗好多年，團隊解散後汪東城、辰亦儒、吳尊不時都會聚會、唯獨欠缺炎亞綸。而炎亞綸亦曾經係係小S同蔡康永嘅節目《花花萬物》表示除咗吳尊，同其他兩位成員都「不是朋友」，但並無貶意，只係大家嘅關係未去到咁親密，所以同佢地基本上無聯絡。

Photo from 微博 ＠辰亦儒

Photo from 《花花萬物》截圖

Photo from 微博圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）