公屋輪候｜港男獲調遷派廣福邨後拒絕入住！親身視察後嫌棄井字型公屋

By Pat on 28 Apr 2023

Digital Editor

俗語有云：「獲派公屋就等於人生贏家」，多少人日盼夜盼就為了可以上到公屋，要知道一般輪候時間為5.5年，即使是長者平均輪候時間都需要3.9年，大家都知道住公屋等同於「人生勝利組」，租金便宜地方又算大，香港地一個可以住滿四人家庭的普通私人屋苑平均都需八千港幣起跳。但有人居然只用14個月時間就上到公屋卻不知足，還嫌棄屋邨舊式而拒絕入住，令一眾網民看不過眼。

Photo from 《幻愛》劇照

獲派公屋卻感無奈

最近一位港男於「香港公營房屋討論區（FB版）」發文指自己收到房署寄來的「特別調遷配房通知信」，指一家四口等了14個月終於獲編配大埔廣福邨的一個高層單位，樓主原本有感高興，但到上址實地考察過後，身處走廊時於高處望落地面時感覺「好唔舒服」，又指「我哋一家人都唔鍾意井字型公屋，就係呢啲走廊，你話佢可以上到頂，我即刻要！」由於單位屬於井字形舊樓，更表示「等咗14個月，開心得來又唔開心」。

Photo from 「香港公營房屋討論區」@Facebook

Photo from 《不一樣的香港》載圖

樓主又指其實租約將會由5月12日起生效，而且單位月租只需$2325，雖然已經等候多時，但因為跟家人有共識一致不喜歡井字形設計，所以最後決定等二派，繼續待在家中聽天由命，又認為同一個屋苑應該不會「派兩次」，又指自己當初申請調遷時就算向負責調遷的部門詢問都不果，每次回覆都是「你個申請已經同你排緊隊」。

Photo from 《不一樣的香港》載圖

網民大呻樓主「走寶」

帖文一出後，大批網民指其實舊式屋邨很好住，更有居住大埔的網民指「廣福都唔錯呀，起碼設施齊全，唔似富亨，想搵樣似樣嘅配套都無」、「你無緣欣賞廣福嘅優點（不知幾好幾舒服）」、「住井字好舒服好好風，真心唔使一開門望住對面屋」、「我細個住隔離廣義，真心好住，井型唔係真係咁恐怖」。

Photo from 《幻愛》劇照

井字型公屋的沒落

其實香港的井字型公屋早於50年前設計，設計師當時特意將中央天井留空，用意是通風讓空氣流通，而且單位四面都可以跟鄰里交談，可以建立友好的鄰里關係，另一個目的就是起防盗作用，亦令賊人不易入屋盜竊，不但可惜80年代時被指佔地面積大導致風水不佳，最後因而停止興建。但時至今日這款獨有的香港特色建築仍然吸引很多外地的遊客參觀和拍攝，亦是不少香港人的集體回憶。

Photo from 《不一樣的香港》載圖

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東張西望｜公屋樓上倒水氣味超刺鼻！事主疑係漂白水，化驗結果出人意料？！

Dec 14, 2022

TVB節目《東張西望》新一集就有住喺葵涌邨嘅馮小姐指佢樓上經常會倒水，但水中有白色粉末，令馮小姐單位嘅窗戶經常留下一條條白色痕跡，加上味道難聞，馮小姐估計係漂白水，不過節目組將成份檢驗後結果卻出乎意料？！

Photo from 《東張西望》

公屋樓上單位倒漂白水？！

有一個好嘅隔離鄰舍十分難得，如果大廈住戶有奇怪行為，其實都會對其他人造成影響。近日住喺葵涌邨嘅馮小姐表示兩年幾前佢就發現大廳嘅窗台經常會有積水，起初佢以為係樓上冷氣機滴水，但後來發現竟然係樓上倒出！

Photo from 《東張西望》

而且水中有白色粉末，絕對唔係一般嘅清水。水中嘅白色物體更黏住咗馮小姐家中嘅窗戶，喺玻璃上留下一道道白色痕跡，十分礙眼，另外亦令窗門非常難打開，馮小姐稱最近樓上倒水次數越嚟越頻密，令佢不勝其煩。

Photo from 《東張西望》

由於樓上倒水附有漂白水嘅刺鼻味道，馮小姐曾經做實驗，將一條藍色毛巾放喺窗外，結果一夜間毛巾就甩色，令馮小姐認為樓上倒嘅係漂白水。

Photo from 《東張西望》

外牆出牆身剝落嘅情況！

馮小姐更觀察到大廈外牆出現大片疑似白色痕跡，甚至出現牆身剝落嘅情況，馮小姐更相信樓上倒嘅係漂白水。節目組就訪問咗專家，專家表示漂白水經過長時間積累，變乾後的確有機會留低白色嘅物體或痕跡，但大廈外牆一般都係混凝土，石屎對鹼性嘅抗性非常好，如果唔係長期、大量傾倒漂白水，對外牆嘅影響其實唔大。

Photo from 《東張西望》

馮小姐稱漂白水氣味刺鼻影響健康

馮小姐稱佢身體亦受到樓上倒「漂白水」影響，刺鼻嘅味道令佢鼻腔都覺得好痛，另外最近佢都起皮疹，表示情緒受到壓力。馮小姐樓上係空置單位，而再上一層就有人居住，馮小姐懷疑「漂白水」嚟自該單位。

Photo from 《東張西望》

樓上單位住戶拒回應倒漂白水

節目組上樓上竟恰好撞到該單位住戶出門，立即上前詢問，不過主持人梁敏巧提到「倒漂白水」後，樓上住戶即刻「耍手擰頭」拒絕回應，梁敏巧一直追問：「點解要咁做？」對方都無回答，一直搖手，更將手指放唇上做出「安靜」手勢，最後更衝入後樓梯避開節目組。

Photo from 《東張西望》

化驗結果出人意料！竟無漂白水成份

為咗證實樓上倒嘅係漂白水，馮小姐喺家中唔同嘅窗戶採集樣本並交由節目組轉交去化驗。經化驗，5個樣本都發現無漂白水成份，不過專家指出漂白水長時間放喺室外，有陽光、空氣嘅情況下可能已還原成普通嘅鹽，可能未必能檢測出漂白水成份。

Photo from 《東張西望》

設置遮擋物但仍然影響馮小姐

節目組通知馮小姐有關結果，佢亦十分意外，馮小姐坦言如果唔係漂白水嘅話佢更擔心樓主唔知倒啲咩落嚟。馮小姐決定向屋邨辦事處備案，職員表示同過樓上住戶溝通，傾過兩次對方從來都無承認佢做過有關行為，最終職員指會喺相關單位設置遮擋物，雖然情況略有改善，但仍未徹底解決，馮小姐指佢可能會去其他地方住半年，雖然想返屋企，但實在太討厭家中會聞到嘅刺鼻味道。