Janice Man主演內地電影票房破20億人仔！演藝事業終追近Angelababy？！

By Jennifer on 03 Jul 2023

Digital Editor

今晚食乜餸：小二，嚟一碟花生！

現年34歲嘅Janice Man（文詠珊）同富二代老公結婚後成為豪門少奶奶，不過佢仍努力發展演藝事業，近年出演多部電視劇，佢主演嘅內地電影《消失的她》票房更突破20億！Janice Man更因而人氣急升，唔少人再比較佢同昔日好姊妹Angelababy。

Janice Man文詠珊近年北上發展

Janice Man於2019年與富二代老公吳啟楠結婚，佢曾經參演唔少港產片，更入圍過《香港電影金像獎》「最佳女配角」，2015年起佢就北上發展，拍攝多部內地電視劇，近年佢出演《天龍八部》，飾演絕世美女「王語嫣」一角。

Janice Man主演電影《消失的她》票房突破20億！

佢最近主演嘅電影《消失的她》上映後票房成績超好，上映10日後票房突破20億人民幣！而Janice Man飾演嘅李木子更同佢之前飾演嘅角色唔同，對佢演技係一大挑戰。

Jance Man雖然嫁入豪門，曾有人喺地鐵偶遇佢，出門行頭都要$10萬起！不過Jance Man本人就喺抖音拍片力證自己平時喺屋企都親力親為做家務，絕對唔係普通嘅豪門少奶奶。

網友大讚Janice Man有顏值有演技

今次佢主演嘅電影成績咁好，帶挈Janice Man嘅人氣亦急升，唔少網友大讚佢出道咁多年顏值一直都超高，喺電影中更係有美貌又有演技，「#文詠珊早幾年都干嘛去了」更登上熱搜，感歎佢喺內地發展咁耐竟然一直都無咩人留意。

Janice Man、Angelababy現況比較

Janice Man現時嘅微博粉絲數逾1,000萬，同昔日好姊妹Angelababy嘅一億粉絲相比，仍有一段距離。Angelababy同黃曉明公開戀情令佢知名度急升，之後佢擔任內地綜藝節目《奔跑吧兄弟》主持人爆紅，主演多套內地偶像劇，最近佢擔任女主角嘅仙俠劇《塵緣》亦播出。

唔少網友比較Janice Man同Angelababy，兩人同期出道，獲封「o靚模始祖」，之後Angelababy同內地男星黃曉明結婚，喺內地發展順利，攀上演藝事業高峰，人氣今非昔比，成功晉身內地一線。而Janice Man雖然都有出演內地劇，但唔似Baby套套都做女主角，而且近年佢亦甚少出演偶像劇。