海灘叢林加古蹟！盤點斯里蘭卡必去城市 南亞熱帶風情中的小歐洲！

斯里蘭卡對香港人嚟講係個冷門嘅旅遊地，不過呢個神秘南亞國度最近就被《Lonely Planet》評為2019年十大最佳旅遊國家嘅榜首！無他嘅，陽光與海灘好多國家都有，但斯里蘭卡除擁有原始島國同鄉村景色，仲有豐富宗教、歷史古蹟，而且先後被葡萄牙、英國特殖民統治，唔少古城都融合歐洲建築同南亞文化，風貌夠晒獨特！

加勒古城

位於斯里蘭卡南部海濱嘅古城加勒（Galle），由首都可倫坡（Colombo）搭沿海火車就可以去到。加勒古城早於16世紀由葡萄牙建造，到而家都遺留著濃濃歐洲氣息。

Photo from shutterstock

加勒古城於1988年被聯合國教科文組織（UNESCO）列入世界文化遺產，原始海港上建滿歐式老教堂、燈塔、古宅，輕鬆漫步其中已令人心曠神怡！

Photo from shutterstock

Photo from shutterstock

而且仲可以見識到當地漁民用傳統「立釣」方式捕魚！

Photo from shutterstock

Nuwara Eliya

斯里蘭卡最出名當然係錫蘭紅茶，而盛產紅茶葉嘅中南部山城Nuwara Eliya，其壯麗天然山景就被譽為「斯里蘭卡小英倫」。

Photo from shutterstock

Nuwara Eliya被群山包圍，一片綠油油，又有優美嘅瀑布同湖泊，搭火車前往就可以慢慢欣賞。而採茶區附近更有唔少英式建築，猶如英國鄉郊小鎮！

Photo from shutterstock

Photo from shutterstock

獅子岩

講到斯里蘭卡不得不去嘅，當然係位於錫吉里亞（Sigiriya）嘅歷史遺址「獅子岩」啦！

「獅子岩」被譽為世界第八大奇蹟，呢座180米高嘅巨岩遠睇似澳洲嘅艾爾斯岩（Ayers Rock），其實係公元五世紀建成嘅一座「空中王宮」！

Photo from shutterstock

「獅子岩」宮殿入口已經係超精緻嘅獅型石雕，遺址內仲有庭院、棧道，居高臨下，好似「天空之城」一樣咁夢幻！

Photo from shutterstock

Photo from shutterstock

斯里蘭卡旅遊資訊
時差：比香港慢2.5小時
官方語言：僧伽羅語（Sinhala）同泰米爾語（Tamil），熱門旅遊區英文亦流通
簽證：BNO或香港特區護照持有人，均需辦理簽證。大家可以上斯里蘭卡ETA 電子簽證官網申請電子簽證，30日有效期簽證費用為35美金。亦可辦落地簽證／事先到斯里蘭卡駐港澳總領事館辦理簽證。
最佳旅遊月份：12月-3月宜遊西南部、中部山區同內陸高原，較其他月份清涼。而5月-9月則宜遊東部海岸。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）