2019豬年生肖運程預測：虎、兔、龍

上次就同大家講咗12生肖中嘅豬、鼠、牛呢3個生肖，今次再同大家分析虎、兔、龍喇！

Photo from PressLogic

虎：

屬虎嘅朋友喺豬年係合太歲，聽到合太歲就知道唔差。其實唔單止唔差，老虎其實係相當唔錯。皆因合太歲即代表人緣好，好多人會搵你合作、搵你幫手。

Photo from shutterstock

除此以外，還太陰星，依個星亦好重要一定要提，代表女貴人。如果你嘅老闆、上司、合作伙伴係女性，有利加分。如果你係從事一些金融、土地和美有關嘅行業，如美容、化妝等都是會比較有利。

Photo from shutterstock

再加上國印星，同樣都係工作、權力、地位有機會提升，大權在握，好像古代時官員手執帥印，有決策權。整體上都不錯，再加上屬老虎還有一個貴人運，即工作運、貴人運、人緣運都相當之好。所以整體上屬老虎真係相當唔錯！

Photo from shutterstock

至於凶星方面，兩顆特別要注意一下：天官符即是官非、是非上嘅事要留意，如法律文件、合約方面自己要小心啲。另外就是亡辰，指屬老虎嘅朋友喺豬年，特別不小心、常常不記得事或集中不到精神，最容易發生就係遺失鎖鑰、電話、錢包等等，好像現時電話如命一樣等年代，如果真的不見電話已經很不幸了。

不過咁都未算最慘，最慘係如果你冇備份習慣，電話裡所有資料就會冇晒，所以屬老虎嘅朋友提提大家，記得電話內資料要做備份了！

Photo from shutterstock

兔：

屬兔嘅朋友今年嘅工作運相當之良好，整體嘅運勢只能用強勁兩個字嚟形容。皆因有三顆主要嘅吉星將星、三台、金匱。將星、三台係權力地位得以提升，仲要有兩顆，所以應該係相當之不錯，還有金匱星是代表財運有所增進即係工作運好、財運好，俗稱升職加薪有望，再加上還有貴人運。

Photo from shutterstock

所以整體上，工作方面一般形容屬兔是強勁來形容。

除此以外，凶星亦有要留意就係官符和五鬼，官符是指官非、是非，就算係停車被抄牌嘅機會都會比別人高。五鬼星即係小人星，可以話因為今年工作運比較強勁，有一點鋒芒過露嘅情況，因而招致一些人嘅妒忌或搞一啲小動作影響你都唔出奇！

Photo from shutterstock

不過你嘅吉星強勁，所以整體上問題唔大呀！

Photo from shutterstock

龍：

屬龍嘅朋友就恭喜你了！點解一開始就恭喜你。皆因運勢相當之好，差不多係12生肖中接近最好的。

Photo from Pinterest

第一顆紅鸞星，很多人都知紅鸞即係單身嘅朋友今年終於等到了，紅鸞桃花係正桃花、好桃花，有機會結識到一些可以發生鞏固感情嘅對方，所以如果遇到可以大膽一試。

除此以外，如果你已經有鞏固對象的，有機會紅鸞星動，即係有結婚嘅諗法甚至打算。

Photo from shutterstock

另外，工作運方面有攀鞍星，即有一個良好嘅平台、良好嘅機會，畀你發揮工作才能。仲有月德星有貴人幫助，唔止咁，今年屬龍嘅朋友同樣係得財年。

嘩！可以想像到工作、桃花、人緣、貴人運全都有齊，所以屬龍嘅真係好到有朋友呀！

Photo from shutterstock

不過當然亦有凶星要留意，一顆係小耗即有小破財嘅現象。如何小破財呀？去年（狗年）嘅時候有大破財，嚟到豬年有小破財，問題不大，因為今年係得財年，收穫唔錯，賺到錢當可以買啲嘢逗氹吓自己開心喇！

Photo from shutterstock

反而另外一顆要注意就係陰煞星-女小人嘅代表，意即可能有些女小人依方面嘅問題，不過整體咁多吉星。這顆都係小事，不用太擔心！

同大家講住咁多先，下次繼續！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編