HMV商標背後故事超催淚！狗狗8年坐留聲機旁側耳聽離世主人聲音！

時事熱話生活熱話

By Jackie on 21 Dec 2018

Digital Editor

全職寫字，副業畫字，打算一輩子揸筆揾食，畫筆鉛筆雙兼得。「唔化妝襯衫唔出門症」末期患者，童真外表掩飾內心麻甩思想，夢想是在大學畢業後退休，顯然失敗。

大型連鎖唱片店HMV近日宣布自願清盤，呢間創立於1921年嘅英國老牌從此喺香港銷聲匿跡。會到HMV買唱片嘅朋友，相信對HMV商標中嘅小白狗一啲都唔陌生，原來佢背後有一個非常感人嘅故事，有唔少人都話故事真係超催淚啊！

Photo from Shutterstock

HMV商標除咗以紅色亮光招牌較為人所熟悉，另外會放喺店門前嘅黑耳小白狗都非常經典。HMV以「小白狗側耳坐喺唱片留聲機旁」為商標，而呢個商標背後故事非常感動！

HMV全寫為「His Master's Voice」，意解「牠主人的聲音」，而呢個名就係來自Logo上嘅黑耳小白狗同主人嘅故事。

Photo from FB@HMV

小狗原本係一隻喺英國布里斯托出生嘅流浪狗，1884年幸得一位英國畫家Mark Barraud收養，小狗唔知係咪從小流浪時養成「咬褲腳」嘅習慣，經常咬主人褲腳，而由於主人同小狗關係非常好，唔介意小狗咬褲腳之餘，仲將小狗名字改為「Nipper」，即「輕咬」或「鑷子」嘅意思。

Photo from Shutterstock

3年後主人Mark離世，Nipper由Mark嘅細佬Francis收養。Francis為一名畫家，有日佢見到Nipper非常專注咁坐留聲機旁邊，好似側耳聽留聲機所發出嘅聲音一樣，原來舊主人Mark生前錄低咗自己嘅聲音喺留聲機中，Nipper望住留聲機聽住Mark嘅聲音，以為Mark仲在世，所以一直望住留聲機細聽。

Photo from Pinterest

8年後Nipper離開人世，8年間只要留聲機播住Mark嘅聲音，Nipper一定會上前坐低細聽。Francis非常懷念離世嘅Nipper，而且對Nipper聽留聲機一幕非常深刻，於是將Nipper坐?留聲機旁嘅畫面畫低，直至1898年Francis終於完成畫作。

Photo from Shutterstock

Francis將畫作名為《His Master's Voice》，並想於皇家藝術學院Royal Academy展出但遭拒絕。後來Francis將呢幅畫嘅Logo賣畀該留聲機公司，但留聲機公司以「小狗唔會聽留聲機」為由，同樣拒絕Francis。後來呢幅畫被另一間留聲機公司The Gramophone Company看中，邀請Francis用該公司留聲機重畫作品。