拉出彩虹！ 荃灣彩色芝士多士 紫薯居然也能拉絲！？

芝士，擁有一種神奇既魔力，由細細個見到某Pizza廣告既拉絲場面既一刻開始，佢既地位已經係不可動搖，已經定義左拉絲既味道理應係點樣。

不久之前，荃灣出現左一間叫KALA Cheese Toast既舖頭，主打賣芝士多士，聽起黎平平無奇，但事實上，佢將芝士化身到另一個層次，好似係芝士上面施左魔法一樣，令佢地變到五顏六色，迷離到好似入左仙境一樣。

Photo from eddyfong@openrice

見到依份多士，相信唔少人都會嚇左一跳，因為佢既五顏六色絕對超出一般人既想像，因為係人類正常食到既食物入面，絕少會出現依種奇妙既螢光色，依種超出人類對大自然認知既顏色，居然會落到芝士上面，實在係撲朔迷離，好似只存在於卡通片既食物一樣。

@twogoodtoresist（@twogoodtoresist）張貼的相片 於 2016 年 5月 月 12 2:56上午 PDT 張貼

但佢依然擁有芝士既質感，依然可以拉絲，咁究竟依啲咁獵奇既顏色係點樣染上去呢？

原來佢地選用既芝士係法國空運到港既三色芝士，紅色係蕃茄味、綠色係羅勒香草味、最奇怪既藍色原來係薰衣草味！十分合情合理。

Photo from hkfoodiexblogger

但睇起黎咁怪既芝士，食落唔知會唔會有D出乎意料呢？

Photo from lkynicole@openrice

Photo from lkynicole@openrice

答案係唔會，感覺上幾種芝士都無乜十分大既差別，不過本身既芝士味就交足貨，而且拉絲性能非常好，用黎呃Like絕對係唔錯既選擇。除左彩虹芝士之外，依度仲其他吸引既選擇，抹茶控注意喇！無錯，抹茶同芝士都可以扯上關係，以下就係佢地既「芝士紅豆抹茶吐司(多士)」

Photo from sugarcat@openrice

依款多士同之前既彩虹芝士比起黎口味無咁重，而且更有層次，紅豆唔死甜，同抹茶低調既濃郁互相輝映係一個唔錯既組合，然後芝士就係將佢地連接到多士既一條橋梁，整體觀感非常好。

既然有抹茶，當然唔少得紫薯，但你可能會問紫薯同芝士究竟襯唔襯，但心水清既朋友都明白，依個從來都唔係一個問題！

Photo from hkfoodie_lifestyle@openrice

正所謂路係人走出黎既，食過就知夾唔夾。依間鋪既紫薯芝士多士不論紫薯蓉同芝士都份量十足，而且兩者係出奇地咁夾，紫薯清香既甜味同芝士既奶味產生出一種令人意想不到既碰撞，產生出一種微妙的滋味。

Photo from fullfoodie@openrice

最後除左野食之外，佢地野飲既顏色都幾奇怪，依款就係其中一款「彩虹奇冰」！睇落非常怪相，好似都離不開係螢光色系既飲品，但飲落其實無也太特別，只係一款有少少花香既甜味飲品。

Photo from elaine220@openrice

整體黎講，成間店既產品既水準都算是穩定，而且好有綽頭，呃like一流，正所謂唔打得都睇得，絕對值得一試！

KALA Cheese Toast Specialist
地址：荃灣荃興徑4-6號地舖
電話：3706 5432
營業時間：星期一至日: 12:00-00:00