Jason Momoa人生如戲自爆黑歷史為演「沙灘拯救隊」同朋友「扯貓尾」亂噏自己係「好出名嘅模特兒」！

生活熱話

By Ivory on 28 Dec 2018

Digital Editor

拍着照片，一路同步坦白流露，感情和態度。其實人生並非虛耗！

最近「水行俠」熱爆全球，令男主角Jason Momoa又再成為全城焦點！有人搵番佢2013年出席記者會時，畀一個熱情女記者搞到面都紅晒嘅短片～身形魁悟嘅Jason Momoa 配上含羞答答嘅表情，形成最強反差萌，受歡迎程度即刻直線上升！

Photo from IG@prideofgypsies

（提示：拉到3:13秒開始睇！）

Jason Momoa 唔止可愛，仲好深情！佢8歲嘅時候睇到電視上嘅Lisa Bonet就一見鍾情，仲發誓要得到佢！18年後，佢得償所願，抱得美人歸，仲為咗老婆，以後唔剪短頭髮，成為眾所週知嘅寵妻狂人，簡直係睇戲先會見到嘅情節！

Photo from IG@prideofgypsies

最近，佢接受傳媒訪問時，提到喺夏威夷出世等嘅背景，又被問到係咪從模特兒起家嘅時候，他即刻答：「唔係，其實都係我亂噏嘅！當年喺夏威夷參與《沙灘拯救隊》（《Baywatch》）試鏡時，為咗可以被揀中，就同朋友「扯貓尾」話自己有做過模特兒。」

Photo from pinterst

佢繼續自爆：「我去到嗰度，等咗七個鐘先輪到我。佢哋話：『喔，你必須要有履歷作品。』我答：『好啊，但我冇。』佢哋接住話『你有冇做過戲？』我答『冇。』佢哋再問『咁你有冇行過Catwalk show？』我答『有呀，我係個好出名嘅模特兒。我曾經幫Gucci同LV做模特兒。』然後佢問坐喺我隔離嘅朋友：『你係咪幫過Prada行catwalk show？』嗰個朋友就話：『係呀，我哋喺日本做過模特兒。』我哋就係咁喺現場作咗啲咁嘅嘢出嚟～」