低頭族bye bye~日本「無網絡餐廳」更專心同同檯朋友交流

大家有無遇過同friend一齊去食飯，但大家都掛住撳電話，全程都好少交流嘅情況呢？相信呢間餐廳可以解決呢個問題。

喺日本東京有一間餐廳為咗避免呢個情況發生，所以專登定咗個規矩：「必須將手機設定做飛航模式先可以入店」，所有食客要先將手機較到去連接唔到網絡嘅「飛航模式」，先至可以入店內用餐。

Photo from FNN.jpプライムオンライン

Photo from FNN.jpプライムオンライン

呢間「無網絡餐廳」位於品川，除咗喺入座前要將手機較到「飛航模式」之外，入座之後食客仲要將手機螢幕朝下咁倒扣喺檯面，然後用指定嘅物件壓好，先至會上菜。

Photo from FNN.jpプライムオンライン

如果食客無關閉網絡，或者無壓好部手機，咁餐廳就一直唔會上菜住。

呢個規矩令食飯忍唔住碌下手機嘅人更加集中同朋友交流，專心聆聽其他人講嘅嘢。

Photo from FNN.jpプライムオンライン

Photo from FNN.jpプライムオンライン

而餐廳老闆表示希望透過「封印手機」嘅方式，令大家回歸返人與人之間最基本嘅面對面交流，同時等大家明白到呢種交流方式嘅美好。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）