台灣星巴克新推蜜桃紅茶拿鐵 外加草莓季到了！仲有各款草莓甜品

台灣星巴克有新嘢飲啊！係蜜桃口味紅茶拿鐵！蜜桃控要失控了！

今次TEAVANA系列嘅新飲品其實有3款，第一款就係「蜜桃風味紅茶那堤 Peach Black Tea Latte」，用日本抹茶研磨工法將紅茶磨成幼細嘅紅茶研磨粉，mix入濃郁嘅牛奶中，再加埋清新嘅蜜桃糖漿，真係好像試試。

除咗蜜桃口味，仲有香草（雲呢拿）口味紅茶那堤（拿鐵），感覺呢杯更加...甜

另外仲有清新選擇，「洋梨洋甘菊花茶 Poached Pear Chamomile Tea」，凍熱都有，而且入面仲有蘆薈粒添！

除咗飲品，黎到草莓季，仲有一系列草莓甜品。「草莓戚風蛋糕 Strawberry Chiffon Cake」，戚風蛋糕入面有一層cream夾住一粒粒新鮮士多啤梨粒，仲有一層士多啤梨慕斯，外層以塗上一層cream。正宗嘅士多啤梨蛋糕啊！

「抹茶草莓捲 Matcha Strawberry Roll Cake」 ！小編好想試呢個，其實係因為個抹茶，首先抹茶蛋糕捲入面係一層濃郁抹茶醬，再加一層cream同新鮮草莓粒。

層次再豐富啲嘅有「草莓巧克力蛋糕 Strawberry Chocolate Cake」，除咗「基本啦」嘅cream加新鮮草莓粒，做底嘅係朱古力蛋糕，上面鋪咗脆片同榛果醬。

除咗蛋糕系列，仲有麵包！係「草莓巧克力風味麵包」啊親！

用台灣大湖草莓同原味乳酪整成嘅「草莓優格飲」，飲得嘅乳酪，btw個樽身又幾cute喎，印住一粒粒士多啤梨。

Photo from: 台灣星巴克

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）