意大利懸崖邊的教堂！超靚風景～得一條樓梯上到去！

By sonia man on 31 Dec 2018

係意大利，最出名就係多教堂！
每間教堂都有佢自己嘅特色，
今次小編就介紹一間係凡羅拿省嘅教堂～

呢座教堂就係SANTUARIO MADONNA DELLA CORONA，
佢唔算係一個熱門嘅旅遊點～
但有唔少本地人都會去架！每逢星期日教堂都會有活動，
好多人都會特登去參加。

Photo from Instagram

呢座同岩石懸崖融為一體嘅教堂建於公元16世紀，
佢前身係修道院，直到1625年被馬耳他騎士團重建同重新命名。

Photo from shutterstock

The Madonna Della Corona本身係一座雕像，佢依家仍然存在係教堂後面嘅小花園。
背後原來有一段傳說！
話說當地居民曾經係懸崖邊見到有光，決定去搵出啲光嘅來源，
但當時並無任何道路可以通去懸崖底部嘅燈光處，於是佢地就決定游繩落去。

Photo from shutterstock

其中一位爬到落底部，就發現左The Madonna Della Corona嘅雕像！
於是佢就將雕像運送返上去，經過咁艱辛嘅攀爬之後，佢地決定直接係上面休息一晚。
但天光之後，雕像竟然消失左！
於是佢地就爬返落去懸崖底部，發現雕像係返佢原來嘅位置。

Photo from shutterstock
佢地唯有再一次運返雕像上去，今次仲將雕像安放係另一個聖堂度，
但第二日個雕像都消失左，於是居民就認為雕像想留係果度，於是就係懸崖邊圍住佢起左一座聖堂。
呢個故事好快就傳開左，有啲騎士聽到呢個故事之後好快就黎朝聖！
佢地認得呢個雕像係愛琴海羅得島失踪左嘅雕像，佢地亦宣稱係天使將個雕像送咗過黎。