馬爾代夫勁靚水上酒店！渡蜜月旅行首選～小編嚴選5間平靚正Resort！

馬爾代夫真係藍天白雲，水清沙幼！
唔少人都中意假期黎呢度避世，渡蜜月更加係首選地方～
但好多全包式Resort都要幾萬走唔甩，
想平都唔係唔得架！小編就揀左5間$3000樓下嘅Resort比大家參考下～

Angsana Velavaru Maldives 微拉瓦魯悦椿度假村 $1,681

Angsana Velavaru位於海龜島，酒店有一半係海，一半係沙灘上面！
當然呢個價錢只係喺沙灘上面嘅Villa啦～但係唔少房客都會行出沙灘睇下海景同夜景架～

Olhuveli Beach & Spa Maldives 馬爾代夫雙魚島海灘及Spa度假酒店 $1806

呢間酒店位於南馬累環礁（South Male Atoll），有啲房仲有私人Spa添！
佢地仲有兩座無邊際游泳池同白色沙灘，呢個價錢黎講都算唔錯！

Fihalhohi Island Resort 菲哈後島度假村 $1841

菲哈後島度假村都係位於南馬列環礁入面，雖然同其他Resort比客房算係無咁靚，
但海景一樣唔輸蝕，水上活動都好多架！$2000以下黎講都算係唔差～

Gangehi Island Resort 根詐島度假村 $1,586

根詐島度假村位於阿里夫環礁，距離馬爾代夫機場只有25分鐘水上飛機航程！
佢地有位於水上、海灘或者熱帶花園入面嘅客房，但小編Check到呢個價錢竟然係海灘房！
真係好平呀～

Reethi Faru Resort Maldives 瑞西法魯度假村 $2303

瑞西法魯度假村位於拉加環礁，而且係5星級架！
而且距離市中心嘅購物點都唔係好遠。
就算唔出島，羽毛球場、獨木舟、飛鏢、水上活動等等都可以玩足一日！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）