研究證實：善忘嘅人最聰明！大腦會按重要事情排序 記住及思考更重要嘅事！

唔知大家又係咪一個成日比人話「無記性」嘅人呢？好多時候會帶漏嘢，又或者呢頭講完，轉頭已經唔記得咗一大半，成日比人笑善忘又大懵，甚至比人話蠢啊！而今次就等小編為一眾善忘嘅朋友大翻身啦！其實已有研究指出，容易「忘東忘西」嘅人先最聰明啊！

Photo from Shutterstock

多倫多大學(The University of Toronto)教授Blake Richards就曾針對「健忘」作出研究，分析出其實平時容易忘記日常生活中瑣碎事嘅人，係由於大腦進行「記憶優化」過程，將一啲無關痛癢、生活中無咁重要嘅事情忘卻，繼而釋出更多位置去思考、以及記住一啲重要資訊及事情。

Photo from Shutterstock

所以「健忘」嘅人反而更容易專注於一件事或工作上，大腦可能會忘記一啲日常生活嘅小事或回憶，但一定會記得工作上嘅重要事項，除咗有利提高對重要事情嘅記憶力外，亦可以令人更專心去解決當前難題。

Photo from Shutterstock

另外，健忘嘅人通常出席重要場合、或對自己嘅專業領域都會表演得好好，平時可能會唔記得帶遮、唔記得在學時期嘅點點滴滴，但健忘嘅人會對「唔可以忽略嘅重要事」會有更嚴謹要求，其實相對上非常有利工作發展。

Photo from Shutterstock

除此之外，健忘嘅人「危機意識」都會比一般人強㗎！研究表示，人會隨著生活情況變化而調整大腦運作模式，所以健忘嘅人可能喺一般同朋友聚會場合上，可能會唔記得朋友啱啱剛過嘅內容、向職員點嘅餐單等，但當遇上火警時，就一定會記得走火路線及緊急處理嘅方法，可以話比一般人更識得處理突發事情。

Photo from Shutterstock

「健忘」嘅人相對比一般人更聰明嘅地方，係可以利用潛意識將生活中所接收到嘅訊息，按重要次序排列，記住一啲一般人難以記得嘅事，並儲存喺大腦當中，當有需要嘅時候就可以發揮作用。

Photo from Shutterstock

呢個研究真係可能連健忘嘅人都唔相信啊！不過其實就好似一啲高智商嘅人一樣，思維模式會同一般人有所不同，甚至會有人視為「奇怪」，所以「健忘」嘅人都一樣。下次再有人話大家「善忘」嘅時候，記得回佢一句「因為我聰明過你囉」！

圖片來源：Shutterstock

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）