由細陪伴到大嘅多啦A夢公仔「爛溶溶」 朋友巧手還原 好似新嘅一樣

唔知大家細個有無啲公仔陪住自己瞓㗎，一路到大咗都唔捨得扔呢？不過經過咗歲月嘅洗禮，公仔好可能已經變到好殘舊、甩晒色。

日本有位推主就喺twitter po出自細到大陪伴自己成長嘅多啦A夢公仔，經過咗咁多年，已經「爛溶溶」到「瀕臨死亡」，但畢竟陪咗自己咁多年都有感情，所以就拜託朋友幫手修復，估唔到竟然還原到好似新嘅咁！令呢位推主喜出望外。

Photo from わいどん Ydon9@twitter

睇下推主po出嘅相，多啦A夢公仔面上嘅眼鼻嘴都幾乎甩晒，而原本白雪雪嘅肚仔都變得黑鼆鼆，甚至連塊面都穿咗個窿，破爛不堪。

Photo from わいどん Ydon9@twitter

Photo from わいどん Ydon9@twitter

呢隻多啦A夢公仔係佢1歲時爸爸送嘅禮物，一直陪伴到依家。佢嘅朋友係家庭主婦，平時間唔中會修復下絨毛玩具，所以抱住一絲希望拜託呢位朋友幫手修復佢隻多啦A夢公仔。

估唔到唔洗一個月，佢嘅朋友就將修復好嘅公仔寄返俾佢，仲要還原到好似新嘅咁，令佢喜出望外。

Photo from わいどん Ydon9@twitter

Photo from わいどん Ydon9@twitter

而喺修復嘅過程中朋友不時會send進度照俾推主，朋友首先幫多啦A夢沖個涼，然後細心比對多啦A夢身上嘅細節，例如比對下眼睛嘅大細。再將甩咗嘅眼、鼻、嘴、鬍鬚、頸上嘅鈴鐺等等配件全部補齊，令成隻公仔彷好似重生咗咁。

Photo from わいどん Ydon9@twitter

Photo from わいどん Ydon9@twitter

最感動嘅係將多啦A夢公仔寄返俾推主嗰陣，朋友仲喺快遞單上面畫咁隻多啦A夢，並幫多啦A夢加埋對白：「我返嚟啦！」，真係太溫柔喇！

Photo from わいどん Ydon9@twitter

呢個溫馨嘅故事唔止令推主發twitter感謝朋友，亦都吸引3萬網民轉發，有近9萬個like。

圖片來源：わいどん Ydon9@twitter

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）