我最期待的畫面出現了！愛回家池美麗飾演飯腳妹Karen

上年，曾經有報導指有女仔利用交友網站去「賺錢」，透過同餐廳「聯手」而令約會男生「埋單」，女方就可以賺咗食飯錢！報導一出街，網民就嚟個大起底，仲搵到女方嘅相添！大家一睇到張相，不約而同咁話：「同愛回家嘅池美麗幾似樣！」更有網民要求，愛回家嘅編劇，可以開一集由「池美麗」飾演嘅「飯腳妹」。

Photo from 連登

估唔到，愛回家真係聽到大家嘅訴求！喺琴日，佢就出咗一集「美麗飯腳妹」。不負眾望，「池美麗」飾演其中一個「飯腳妹」，利用交友程式，「改圖換面」，成功「呃」到唔少男士同佢食飯！連威龍嘅其中一個「IT狗-Keyboard」都中咗伏，搞到佢依家一聽到「肉醬意粉」就發晒脾氣！

Photo from 《愛·回家之開心速遞》

之後，「美麗」又約咗「柏豪」食飯，點知「柏豪」出嚟見到「美麗」之後，即刻「耍手兼拎頭」！見到「池子孝」後，仲「立刻」、「即刻」、「馬上」否認「美麗」係女朋友添！

Photo from 《愛·回家之開心速遞》

Photo from 《愛·回家之開心速遞》

Photo from 《愛·回家之開心速遞》

Photo from 《愛·回家之開心速遞》

Photo from 《愛·回家之開心速遞》

雖然短短一幕，大批網民都話：「笑到傻咗！愛回家真係搵池美麗做飯腳妹！」「如果池美麗做晒全集就仲好笑！」

仲有網民喺「池美麗」嘅Instagram留言話：「神還原...勁！」

Photo from IG@yukimi_chung

呢集除咗「池美麗」做「飯腳妹」係亮點之外，仲有嗰3個「IT狗」，喺對方面前瘋狂用手機unfriend對方，充分反映從事IT行業嘅人士，沉醉喺網絡世界入面嘅狀況！

Photo from 《愛·回家之開心速遞》

Photo from 《愛·回家之開心速遞》

Photo from 《愛·回家之開心速遞》

Photo from 《愛·回家之開心速遞》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）