洪永城IG告別「馬炭」+向「大帥哥」致敬！網民一致讚：演技大躍進！

By Ivory on 14 Jan 2019

Digital Editor

拍着照片，一路同步坦白流露，感情和態度。其實人生並非虛耗！

《大帥哥》喺啱啱過去嘅星期五大結局。時隔兩日，仍然係全城熱話！4集結局篇同1集大結局主要圍繞住「馬炭」洪永城。每個觀眾都睇住佢又忠變奸，再由奸變番忠；每個觀眾都睇住佢由「唔睇字幕唔知佢講咩」，至到依家做奸角做到入晒戲，茶餘飯後都鬧緊「馬炭」！

Photo from IG@guruhung

大結局嗰晚，觀眾一邊睇住《大帥哥》，一邊期待之後嘅劇情！望住「馬炭」畀「大帥哥」數到「一棟都冇」，望住佢夾硬為自己搵藉口，確係心涼！但當「大帥哥」仁慈放過佢，唔殺佢嘅時候，佢連續講咗4次：「你傻仔啊、你傻仔啊！」嗰下大爆發，引嚟觀眾一致好評！佢一面無法原諒自己嘅犯過嘅錯，一面想逃避自己嘅錯失，呢個掙扎，表現的確令人眼前一亮！

Photo from 《大帥哥》

播出大結局嗰晚，洪永城喺Instagram發表咗一篇感性千字文，向張衛健致敬！私底下更送咗封手寫信比張衛健，仲話：「最後一天拍攝，我還是沒臉子邀請你與我拍照，這幅是你主動找我拍的，希望日後我有少許成就，再找你拍照。」最後更以洪永城.馬炭作處名。

在 Instagram 查看這則貼文

馬炭，你係我演過嘅角色入面最憎恨嘅一個，你太可憐，每次演你，我都好痛。我體會到你內心嗰種掙扎同經歷緊嘅無奈，甚至有時我都唔清楚點樣處理你。但係同一時間，好慶幸你喺我生活中出現咗六個月，時間雖然唔長、但係因為你我成長咗唔少。感激你，令我多咗了解自己。再見喇，馬炭。??‍♂️

Tony Hung（@guruhung）分享的貼文於 PST 2019 年 1月月 13 日上午 1:18 張貼

然而，琴日佢再次喺Instagram發文，正式告別「馬炭」。
「馬炭，你係我演過嘅角色入面最憎恨嘅一個，你太可憐，每次演你我都好痛。我體會到你內心嗰種掙扎同經歷緊嘅無奈，甚至有時我都唔清楚點樣處理你。」
「但同一時間，好慶幸你喺我生活忠出現咗六個月，事件雖然唔長，但係因為你我成長咗唔少。」
「感激你，令我多咗了解自己。」
「再見喇，馬炭。」

在 Instagram 查看這則貼文

馬炭，你係我演過嘅角色入面最憎恨嘅一個，你太可憐，每次演你，我都好痛。我體會到你內心嗰種掙扎同經歷緊嘅無奈，甚至有時我都唔清楚點樣處理你。但係同一時間，好慶幸你喺我生活中出現咗六個月，時間雖然唔長、但係因為你我成長咗唔少。感激你，令我多咗了解自己。再見喇，馬炭。??‍♂️

Tony Hung（@guruhung）分享的貼文於 PST 2019 年 1月月 13 日上午 1:18 張貼

佢唔單止向「大帥哥」張衛健致敬，更係感謝《大帥哥》呢套劇集，帶畀佢嘅成長同演技！

Photo from IG@guruhung

大結局裡面，最令人不捨、痛心嘅係，當馬炭改邪歸正嘅時候，觀眾都以為手榴彈會炸唔死馬炭。馬炭同大帥哥一齊喺湖邊傾計，當大家都以為可以大團圓結局嘅時候，點知馬炭一句：「我同羅義一樣飲洋酒，你要好似對羅義咁，倒畀我飲咖！保重啦大哥！」然後轉身走入霧中離開。「大帥哥」固然做得好，洪永城喺呢一幕用自然演技作完美結束「馬炭」嘅角色，的確令人深刻！