研究：夜瞓、講粗口、房間亂嘅人較聰明？！講粗口較有語言能力 房間亂較有創意！

有好多人都會有生活上嘅壞習慣，例如講粗口、啲嘢亂放又長期唔執屋等等，有時仲會因為呢啲壞習慣而比身邊人鬧添啊！不過而家小編就為大家大平反啦！呢啲除咗係一個人放鬆時嘅真性情之外，仲有研究指出，會講粗口、房間亂、夜瞓嘅人原來智商會較高㗎！

Photo from Shutterstock

1. 講粗口
其實一直都好唔少人會覺得識講流利粗口嘅人比較聰明，感覺上轉數較快等，原來都啱咗一半㗎！心理學家Kristin Jay與Timothy Jay喺期刊《語言科學》(Language Sciences)上嘅研究指出，中意講粗口嘅人不一定代表懶惰或者教育程度低。

Photo from Shutterstock

原來係正好相反啊！其實中意講粗口嘅人係大腦當中含有大量單字詞彙，先可以用非常流利嘅方式大講粗口，亦即語言能力較一般人強，喺智力測試上都比一般人高㗎！

Photo from Shutterstock

2. 夜瞓
英國倫敦政治經濟學院日裔進化心理學家Satoshi Kanazawa指出，「較聰明嘅小朋友長大之後比較容易成為夜貓。」(More intelligent children grow up to be more nocturnal as adults than less intelligent children)。

Photo from Shutterstock

咁當然唔係得個「講」字啦！美國亦有研究證實，夜瞓嘅人較正常時間入睡嘅人智商高，其實係因為一般而言，大腦習慣於日間運作及進化，當人開始於夜晚工作或思考，智力就需要尋求一個違反自然嘅節奏，久而久之就會被訓練得過為聰明啦！

Photo from Shutterstock

3. 房間凌亂
而根據美國明尼蘇達大學心理學教授Kathlenn Vohs經過多個實驗後指出，喺凌亂嘅環境下工作嘅人，對比喺環境整齊嘅地方工作嘅人更有創意，而且亦有較高解難能力，可以結合創意及思考解決難題！難怪有唔少創意創業嘅名人，屋企都係比較混亂㗎啦！

Photo from Shutterstock

所以大家真係唔好睇小自己每一個生活上嘅習慣啊，亦更加唔好小看自己！但當然唔好因為研究，而強迫自己「實踐」以上行為啦！

圖片來源：Shutterstock
資料來源：PsychologyToday、APS、ScienceDirect

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）