化妝新手必睇！七個化妝常見誤解，學識咗一秒變女神～～

好多女士一踏入社會都開始化妝，化妝確實可以令一個人睇落精神啲。不過自己唔係專業，又無學過，靠上網睇片學？化極都好似唔對路，好大機會你化錯妝，咁就會令你女神變瘟神！唔想趕客就要學識呢幾招啦！

Photo from Pinterest

1. 冬天都需要防曬

你可能會覺得冬天嘅陽光無夏天咁勁，慳返一個步驟，咁諗就錯哂啦！紫外綫係一連四季都會有，長期接觸會令皮膚老化，加快鬆綁、色素沉淀同皺紋嘅出現，所以任何時候，就連唔化妝時都需要防曬！

Photo from Pinterest

2. 先搽防曬定隔離霜先？

唔少女士都會對步驟非常困擾，應該搽邊樣野先，其實應該先搽防曬，因為係護膚最後一步。隔離霜／妝前乳係化妝第一步，用嚟隔開化妝品同皮膚。化妝步驟由隔離霜／妝前乳---> 底妝--->眉妝---> 眼妝---> 唇妝

Photo from Pinterest

3. 粉底過白變面具

係街見到好多女仔個個化到韓妹咁白，但自己皮膚又唔係白，結果塊面同脖兩截色，好似戴咗個面具咁。所以唔好係手臂／手背試粉底，因為手多數比面黑少少，會有色差，最好係頸／下巴選三隻色作對比，就會明顯見到分別

Photo from Pinterest

4. 為咗遮暇而用過多粉底

皮膚較差嘅女士為咗遮瑕，會用大量粉底不斷蓋上，結果成個粉樣，而且容易浮粉。其實想遮瑕，係需要用遮瑕膏！少量咁疊上去，直至完全遮蓋。瑕疵較多嘅話，可以用遮瑕--->粉底-->遮瑕方法，就可以做到細緻嘅妝容啦～～

Photo from Pinterest

5. 不用定妝產品

定妝係為咗令妝容更持久，唔定妝係非常容易甩妝。一般有粉末同噴霧兩種，粉質會呈現啞光，睇落乾爽；噴霧就可以提供光澤感。

Photo from Pinterest

6. 顏色太多變馬嬲屎忽

成個妝容最好用同一色調，例如最易襯嘅大地色，而全面唔好用多過三種顏色。顏色配搭原則係冷色調+冷色調／暖色調＋暖色調／冷色調＋中間色（黑白咖啡）／暖色調＋中間色。色彩強烈嘅撞色唔適合日常妝容，缺乏技術亦容易出錯

Photo from Pinterest

選擇一盒同色調嘅眼妝Palette就最穩陣！

Photo from Pinterest

7. 眼綫畫太粗變夜蒲妝

以為將眼綫畫粗就會令雙眼睇落更大，其實非常錯！眼綫咁粗只會令妝容睇落厚重，雙眼浮腫嘅情況更明顯，完全無層次感！正確做法應該係畫一對適當大細嘅眼綫，再用眼影去加強眼窩嘅陰影，而靠近睫毛根部用更深色嘅眼影，做出層次感

Photo from Pinterest

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）