博士Mandy將暫別《愛回家》 池子孝送水輝大呼不捨 網民：大小姐點算？

《愛．回家之開心速遞》播咗兩年，一直深受觀眾歡迎，1月1日嗰集收視更突破30點，劇中演員幾乎日日陪伴觀眾，認知度都有所上升。

唔少劇中情侶都係觀眾心目中嘅最佳拍檔，好似大小姐送水輝、熊若水龔燁等，仲有博士同Mandy呢pair都大受網民歡迎！不過琴晚劇情講到Mandy喺「橙不忍島」放監之後就即刻去咗英國讀法律，而博士都決定陪佢一齊去英國，仲同熊樹根辭職，正式離開「速熊」。

Photo from 《愛．回家之開心速遞》

Photo from 《愛．回家之開心速遞》

Photo from 《愛．回家之開心速遞》

大家短期內都好難再見到佢哋喺《愛回家》出現，唔少網民得知呢個消息都好晴天霹靂！

之前劇情提到到Mandy俾Jenny「嫁禍」要喺「橙不忍島」坐監，所以一直都無再出現，最近有心水清網民就計到Mandy差唔多放監，仲好期待佢重返《愛回家》添！可惜卻等嚟佢要去英國讀書嘅消息...

Photo from 馬貫東 IG

琴日嗰集播出之後，Mandy謝芷倫喺ig多謝網民一直以來嘅支持：「我會盡快學成歸來！我衷心多謝你們每一位的支持。」

Photo from 謝芷倫 IG

博士馬貫東都有留言：「過往三年《愛回家》帶給我許多許多，除了寶貴的演藝經驗，還認識到一班好有愛的『家人』。台前每一位前輩、演員和幕後每一位工作人員的教導、包容、支持和鼓勵令我獲益匪淺，十分感恩。每天努力學習，每天進一小步。今天短暫離開，願在不久的將來會呈現一個更好的馬貫東回來這個家。」

Photo from 馬貫東 IG

而池子孝阮政峰都有喺ig story話唔捨得好兄弟，佢哋仲用story接傾偈添～

Photo from 阮政峰 IG

Photo from 馬貫東 IG

Photo from 阮政峰 IG

其實佢哋戲裡戲外都咁fd，依家好兄弟要離開劇組，難怪會咁不捨。

Photo from 阮政峰 IG

送水輝許家傑都有喺ig留言：「博士，出去加油呀！等你番黎再送貨！」睇得出佢哋關係好好！

Photo from 許家傑 IG

網友都同樣咁唔捨得，有人仲話無咗Mandy，大小姐唔知點算好。

Photo from LIHKG

Photo from LIHKG

希望真係好似佢哋咁講，會好快回歸啦~

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）