新手滑雪懶人包！租借滑雪裝備5大貼士一文睇晒要咩裝備/揀裝備嘅秘訣

旅遊攻略日本旅遊

By 123testing on 01 Dec 2019

冬天去旅行會諗起滑雪，不過想滑雪要注意啲咩？同埋要準備幾多裝備？今次一文睇晒新手滑雪要注意嘅小貼士，同埋租借裝備嘅攻略！

如果從未滑過雪又唔知要準備咩，可以睇睇今次呢篇文章！因為有唔少人唔知點揀裝備，結果揀錯咗，仲可能會受傷。

會教大家揀裝備嘅秘訣、租借裝備嘅小貼士同埋初學應要注意啲咩，咁就大大減低左受傷嘅機會啦！

Photo from PressLogic

首先，最重要係試啱對滑雪鞋，因為好多人就係試唔啱，所以受傷！大家只要跟返自己平時著鞋嘅尺寸去揀就可以，但揀完一定要試哂左右腳！

試嘅時候扣哂所有嘅鞋扣之後，就感受下對鞋係咪緊貼咁包住對腳，如果有包住郁啱到就啱喇，但唔好太緊。

**之後再慢慢起身，試下少少向前傾，如果冇頂趾嘅話，就啱喇！

Photo from PressLogic

去滑雪必要嘅裝備，除左滑雪鞋之外，雪褸同雪褲都好重要！

雪褸最好試啱身，啱啱好fit哂，咁先唔會凍親！而雪褸入面最好著得簡單啲，有保暖功能又吸汗嘅底衫就啱哂～

**因為滑雪郁動會熱，如果太厚反而唔舒服，又唔方便！所以滑雪以雪褸代替羽絨就好足夠嫁喇～

Photo from PressLogic

雪褲都係保暖、防水功能為主！有底面兩層，面防水防雪，底包住對雪鞋保暖同埋防止嘅雪走入去～
如果怕凍，可以喺雪褲入面著條薄嘅運動legging，legging要著入對雪鞋入面～

**喺雪褲入面避免著啲鬆身，又唔平滑嘅褲，因為喺滑雪嘅過程，條褲會喺入面同腳摩擦，好易整損！

Photo from PressLogic

喺出面冰天雪地，手套都好緊要，建議戴2對手套。最好就先著一對薄手套保暖，再著滑雪手套防雪～唔怕凍嘅話，可以除左入面嗰對～

**滑雪手套一定要夠厚同防水，咁喺雪地點跌點玩都唔怕啦！

Photo from PressLogic

Photo from PressLogic

其實喺咁凍嘅環境滑雪，要包住個身之外，塊面都需要好好保護嫁！
一路滑雪，啲冷風呼呼撲面，都好凍嫁～

所以最好準備面箍或者薄頸巾包面，咁就冇有怕啦！

另外，護目鏡都係其中一樣可以保護塊面同對眼嘅item，等啲冷風唔會吹到對眼唔舒服！戴埋啱頭型嘅頭盔就減少碰撞帶吸嘅傷害啦，仲好保暖添～

Photo from PressLogic

Photo from PressLogic

睇到去滑雪原來要準備咁多裝備，有冇令大家卻步呢？

其實喺多樣item入面，大家只需要自己帶備滑雪手套（手套）同護目鏡，而呢兩樣唔常用嘅裝備喺香港都有得租嫁！呢間GOGO CAMP除左有滑雪裝備租，仲有好多其他戶外用品租售，大家可以上佢地官網睇下！小編用緊嘅滑雪手套同護目鏡都係喺呢間店度租借嫁！

Photo from PressLogic

而其他裝備，好似雪褸、雪褲、雪橇嗰啲喺滑雪渡假村有得租借，有啲滑雪渡假村仲有得賣添！
作為新手，如果啲滑雪村斜坡唔太斜、雪地唔咁硬、仲有專業教練帶住就好喇！

呢2個喺北海道嘅Club Med 滑雪渡假村就啱哂喇！呢度嘅粉雪好綿密鬆軟，好啱初學者，跌到都唔怕痛～而且有好多條唔同嘅滑雪道，適合唔同級別嘅滑雪人士～

最正嘅係佢地每日都有唔同程度嘅滑正堂俾大家參加，上佢地嘅官網睇多啲啦！

官網：

《Club Med Tomamu-北海道》

地址：SHIMUKAPPU-MURA 079-2204, Hokkaido Japan

《Club Med Sahoro-北海道》
地址：KARIKACHI KOGEN SHINTOKU-CHO, KAMIKAWA-GUN - HOKKAIDO, 081 0039, Hokkaido Japan

Photo from PressLogic

滑雪前最好先熱身；跌到嘅話唔好夾硬起身，先調好姿勢再除雪橇企起！最緊要注意安全！

Photo from PressLogic

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）