粉絲們尖叫吧！上海迪士尼宣佈將新建Zootopia主題區！

相信各位迪士尼Fans，一定唔會唔記得2016年風靡全球嘅動畫電影《優獸大都會》（Zootopia）啦！上海迪士尼今日為大家帶來好消息，就係今年將會興建全球首個Zootopia主題區！呢個多姿多彩嘅動物大都會即將活現眼前！

上海迪士尼今日早上於官方微博宣佈，樂園今年將展開新嘅擴建計劃：全球首個「優獸大都會」主題園區！園區將成為上海迪士尼樂園第八個主題園區，並附上設計概念圖。

Photo from 上海迪士尼@Weibo

概念圖所示嘅設施外形，同電影場景中色彩繽紛、「高樓林立」嘅優獸大都會一模一樣！

Photo from 上海迪士尼@Weibo

Photo from Zootopia@Facebook

Photo from Zootopia@Facebook

據悉，「優獸大都會」主題園區將於今年動工，開幕日期及細節有待公佈。

不過相信園區將設「優獸大都會」為藍本嘅全新遊樂設施、娛樂演出、商店同餐廳，遊客可置身多元化嘅動物大都會，同主角「阿力」同「朱迪」展開刺激冒險之旅！真係聽到都興奮！

Photo from Zootopia@Facebook

Photo from Zootopia@Facebook

同時，上海迪士尼繼上年建成以Toy Story為主題嘅「迪士尼．皮克斯玩具總動員」區後，未夠一年就擴建新園區，可以話發展得非常快！未知會否因而削弱香港迪士尼樂園嘅吸引力呢？

資料來源：上海迪士尼微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）