蕭正楠、曹永廉齊齊買料煲湯比黃翠如！翠如：有誰比廉姐還要好 情侶間也有如戀人般甜蜜知己！

情侶間雙方各有知己好友實在正常不過，相信有唔少情侶身邊，總會有1、2個知己經常性如「小三」般出現，但佢哋當然唔會係真正小三啦！只因同情侶間其中一方嘅友誼太深厚，連朋友嘅情人都frd埋，甚至會一齊玩一齊行街添啊！而黃翠如同蕭正楠呢對甜蜜夫妻，身邊就有個「曹永廉」啦！

Photo from IG@edwinsiu

黃翠如尋晚喺IG Post咗張愛心靚湯相，唔睇Caption當然會以為係蕭正楠煲比翠如啦，不過只啱咗一半咋！

在 Instagram 查看這則貼文

Priscilla Wong 黃翠如（@wongtsuiyu）分享的貼文 於 PST 2019 年 1月 月 22 日 上午 10:17 張貼

原來呢碗愛心暖湯係蕭正楠同曹永廉一齊行街市買材料煲比翠如BB㗎，翠如仲係Caption講到「兩個男人遊街市的浪漫，我也得到了這浪漫的成果。謝謝@edwinsiu @chowinglim」，仲Hashtag話「#我開工時他倆總互相黏附着」、「#我是掩飾」，真係Sweet得嚟又搞笑啊！

Photo from IG@wongtsuiyu

黃翠如仲係Story影住煲滾湯，話「兩位情人行街市，買材料煲湯比我飲」，仲大讚曹永廉「有誰比廉姐還要好」，睇嚟曹永廉真係非常疼錫蕭正楠同黃翠如呢對夫妻啊，而且仲好frd添！

Photo from IG@wongtsuiyu

而網民仲留言笑曹永廉係「小三」，不過當然唔係討人厭嘅小三啦！仲有唔少網民非常羨慕黃翠如，話「除咗有老公錫，仲有老公果情人都咁錫你。翠如，你比任何人都好幸福呀」！當然都有人搞笑話黃翠如呷醋，感受到無限酸味，對曹永廉呢個小三又愛又限啊！不過睇落黃翠如當然係覺得溫馨多過呷醋啦！

Photo from IG@wongtsuiyu

Photo from IG@wongtsuiyu

Photo from IG@wongtsuiyu

其實情人間有呢種知己「小三」確實非常幸福，情侶鬧交會有人幫忙開解、分擔，特別係一對戀情剛開始之時，成為知己都會擔心朋友畀人呃感情，幫你過下眼又會睇到對方實一實，直至過到朋友嗰關，就會放心將你交比對方照顧，又會繼續幫你睇實對方，一畀人蝦就會出嚟抱不平啊！

Photo from IG@wongtsuiyu

Photo from IG@edwinsiu

其實知己們都會一邊擔心朋友「有異性無人性」而畀人「搶走」，一邊想朋友同另一半糖痴豆永遠幸福甜蜜落去，都係一種朋友間愛嘅表現嚟㗎！所以遇到呢種「曹永廉式」嘅知己「小三」，真係要好好珍惜啊！

Photo from IG@edwinsiu

圖片來源：IG@wongtsuiyu、IG@edwinsiu

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）