性價比高歐遊國家！盤點克羅地亞4大必遊城市～有山有水仲有古城

克羅地亞對於香港人嚟講係個較為冷門嘅旅遊地，但其實佢嘅旅遊資源相當豐富！

克羅地亞位於歐洲東南部、巴爾幹半島同地中海交匯點，擁有著8個世界文化遺產同2個世界自然遺產，靚景多多！而且相比其他歐洲國家物價較低，可以話係性價比高嘅旅遊國家！

克羅地亞以下呢4大城市，就有齊古城同自然美景，真係點都啱玩：

杜布羅夫尼克

杜布羅夫尼克（Dubrovnik）係一個歷史古城，舊城區保留著中世紀紅瓦民宅，同埋約有800多年歷史嘅古城牆、教堂、宮殿等，置身其中如同時光倒流一樣！

Photo from croatiafulloflife@IG

舊城區到處都係巴洛克、文藝復興式建築，非常有氣派！

Photo from shutterstock

Photo from shutterstock

另外，杜布羅夫尼克唔少景點仲係人氣美劇《冰與火之歌》場景，例如戴克里先皇宮（Diocletian’s Palace）。

Photo from shutterstock

扎達爾

扎達爾（Zadar）係克羅地亞西部嘅港口城市，為昔日達爾馬提亞王國（Dalmatian）嘅首都。喺度不但可感受海邊嘅寧靜，更可以觀賞羅馬時代嘅古蹟。

Zadar海傍有個叫「The Greeting to the Sun」嘅太陽能裝置地板，入黑時會利用日間儲存嘅電力呈現燈光！襯托夕陽實在超夢幻！

Photo from shutterstock

Photo from shutterstock

海濱以外，仲有羅馬式嘅古教堂、市政廣場、城門等，歷史控必去！

Photo from shutterstock

Photo from shutterstock

十六湖國家公園

去得克羅地亞不能錯過嘅仲有佢嘅湖光山色！位於克羅埃西亞中部山區嘅十六湖國家公園（Plitvice National Park）係全國最大國家公園，喺1979年更被列為聯合國教科文組織的世界自然遺產！

Photo from maxmilhas@IG

Photo from unlimitedcroatia@IG

十六湖國家公園由16個大大小小嘅潮泊組成，擁有無數奇岩、洞穴、瀑布，景色怡人。而且仲鋪咗條木棧道、沿路設指示牌標示位置，行得安全舒服！簡直係行山友嘅天堂！

Photo from hackthetravel@IG

園區內有渡船同接駁巴士穿梭，遊客可以按自己體力計劃合適嘅行山路線同時間，相當體貼呀！

Photo from plitvicelakes_official@IG

赫瓦爾

赫瓦爾（Hvar）係位於克羅埃西亞南部、亞得里亞海上嘅一個島城。海水清澈見底，無論係游水定散步都夠晒Chill！

Photo from riohooper@IG

島上唔止有羅馬時代嘅歷史建築同文化遺址，更係薰衣草盛產地。到每年春末夏初、薰衣草收成時候，更加係遍地淡紫薰衣草，非常浪漫！

Photo from shutterstock

交通

另外，克羅地亞交通網絡完善，自遊行都唔算麻煩！城市之間多有火車連接，亦有內陸航班同長途巴士前往沿海城市或其他地區。首都薩格勒布就有巴士同電車。

克羅地亞
時差：比香港慢7小時
簽證：持香港特區護照免簽證，最多停留不多於90天
最佳旅遊季節：4月至9月
語言：官方語言為克羅地亞語，一般英文亦可溝通

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）