有一種友誼叫楊丞琳+梁洛施！即使相隔兩地 但多年來一直關心對方

經得起時間考驗嘅先係真朋友！而楊丞琳同梁洛施（Isabella）就絕對係圈中嘅完美例子啦！

兩人自2007年合作演出電影《刺青》後成為好友，雖然十多年來佢哋分隔兩地、各有唔同發展，但難得地一直Keep到友誼，丞琳近日仲喺IG發表貼文同合照！

同Isabella多年無見，近日兩人終於重聚食飯，更再度同框合照，就連丞琳自己都感慨：「上次見面 居然是Bella（Isabella）懷著五個月雙胞胎的時候，沒想到我們合作刺青時，她才18歲。而現在我們都是三字頭的女人了」。

Photo from 楊丞琳@IG

雖然丞琳同Isabella已踏入另一個年齡階段，不過依然少女味十足！可以話係「逆生長」！

Photo from 楊丞琳@IG

丞琳更透露雖然佢同Isabella住喺唔同城市，但「關心一直都在，即使很久沒見 ，但是一點也不陌生」！更大力支持Isabella回歸電影圈，呢啲咪真朋友囉！

Photo from 刺青

Photo from 刺青

睽違多年，除咗兩人感慨萬分，相信粉絲都為佢哋多年不變嘅友誼感動！不過小編更加希望兩位可以再有機會合作演戲啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）